خالته عملتله سحر و عمل علشان متجوزش بنتها فدمرته بالفقر والمرض

كتب أحد الإخوة الأفاضل :

شاب كان زميلي في ابتدائي وكنت أعرفه لحد قبل غربتي كان ملتحي وطيب ومتدين جدًا وكان مشهور إنه دايمًا مبتسم ..

الشاب دا كان بيتاجر في العطور ومعاه توكيلات عطور عالمية وكان ميسور الحال جدًا ..
بيقولوا فجأة حاله اتبدل تمامًا حلق دقنه وطلق زوجته الأولى بعد ما كان بيضربها يوميًا بالكرباج .. وبعد شهور طلق زوجته التانية بعد ما خنقها مرة ولولا أخوه كان قتلها ..

بعدها خسر كل تجارته وفلوسه ولجأ لتعاطي المخدرات وكذا مرة يحاول الإنتحار وفي الآخر جاله سرطان يتنقل في جسمه لحد ما مات بيه من سنة تقريبًا ..
ومن اسبوع بس الناس لقوا في قبر عمل سفلي على صورته محطوط في عروسة لعبة ومن ضمن الكلام المكتوب في الورقة والعروسة “فشل، فقر، مرض، سرطان، فجور، طلاق، موت” ..

بيقولوا عرفوا إن اللي عمله السحر دا كانت خالته علشان كانت عاوزاه يتزوج بنتها .. دي الورقة اللي فيها صورته