اوعي تتريق علي الفلاحين أفقر فلاح بيكون عنده بيت ملك على 5 عجول علي فدان و لا إتنين يعني حوالي إتنين مليون و ٥٠٠ ألف جنيه

أفقر فلاح بيكون عنده بيت ملك على 5 عجول علي فدان و لا إتنين يعني حوالي إتنين مليون و ٥٠٠ ألف جنيه ده كدة أفقر واحد ف ما تجيش أنت بقى يبقى كل إللي حيلة أبوك شقة إيجار قديم و تتريق و تستخف دمك على واحد ممكن يشغلك عنده أه والله زي ما بقولك كدة ، أنت يا أبني بتلبس تي شيرت بـ 100 جنيه بتبقى ماشي تتفشخر بيه على طوب الأرض ، الجلابية المعفنة إللي الفلاح لابسها دي قماشها بس بيوصل لـ 1000جنيه و لو التريقة على الطباع ف أنا بقولك أنزل التجمع الخامس و خبط على أي باب بيت و قول أنا غريب و عايز أبات عندكم أتحداك حد يقعدك عنده نص ساعة حتى ، أنزل بقى كدة أي قرية ريفية و خبط على أي بيت و قول نفس الجملة هيشيلوك فوق راسهم ، فلاحين مين يا أبني إللي بتتريق عليهم ، أسكت و جمع تمن قيراط أرض من الأراضي إللي عند الفلاح إللي مش عاجبك ده و إتعلم نص الأخلاق إللي عنده و حفاظه على تقاليده و دينه ، و علم إللي عندك حياء الفلاحين و تعالى إتريق .