انت على راسك ريشه ؟ ؟؟؟؟ كلمه بنقلها كتير لما نبقى بنكلم حد شايف نفسه حبتين و فاكر نفسه انه مميز غير باقى الناس . انت عمرك سألت ايه اصل الكلمة دى؟
زيها زى ملايين الحاجات اللى تشرف و ترفع الراس، اصلها من مصر يا سيدى
القدماء المصريين العظماء كانوا بيهتموا اوى اوى بتفاصيل الدنيا من حواليهم و لاحظوا ان
ريشه النعامه هى الريشه الوحيده اللى عدد شعراتها اليمين يساوى عدد شعراتها الشمال فعملوا منها رمز للعدل ، و كانت ربه الحق و العدل عندهم اسمها ماعت اللى فى الصوره اللى تحت دى و دائما لابسه الريشه على راسها.
مين تانى بيلبس الريشه دى ؟ الملوك و القضاه لانهم المفروض يكونوا رموز للعدل فى الحكم القضائي بين الناس و التشريعات القانونيه لخدمه الناس . عرفت بقى دلوقتى اصل الكلمه؟
مصر القديمه اللى هى اصلنا و ياريت فعلا نصدق و نحترم ده احترموا المرأة لدرجه انهم اعتبروها شريكه الاله فى الخلق فالله يخلق الروح وهى تصنع الجسد ، المرأة كانت كاهنه و طبيبه و قاضيه و ايضا ملكه.
خلى بالك ان اضطهاد المرأة هو اضطهاد للطفل و اضطهاد الطفل هو اضطهاد لكل الامه و مستقبلها .
رفقا بهم فلولا المرأة لما كان لك وجود من الاساس.
التعليقات مغلقة.