زي دلوقتي .. الساعة 2 الظهر .. من 48 سنة .. بدأت العملية بدر
أيوة زى ما قرأتها كدا .. اسم خطة العبور كان (( بدر )) تيمنا بغزوة بدر الكبري وبمدد ربنا للمسلمين بملائكة تحارب معاهم ..
مسمي الـ ( المآذن العالية ) تم اطلاقه علي خطة هجوم غير مكتملة تم وضع اساسها في 1971 قبل الحرب بعامين ..
تم ادراجها ضمن الخطة (( بدر )) .. اللي اكتمل وضعها قبل الحرب بشهر .. واللى كان اسمها قبل كدا (( العملية بدر )) ..
.
المآذن العالية كانت بتلعب علي اننا مش هنقدر بامكانياتنا المحدودة نجتاح سيناء بالكامل .. فكفاية ندخل 10 ل 12 كم جوة سينا وننتشر بطول القنال بحيث نجبر العدو على الاشتباك من الشرق .. فوق المتوسط و تحت الخليج و ورانا القناة ..
وكانت بتلعب على عنصرين اساسيين .. تكبيد العدو اكبر خسائر بشرية ممكنة لان عندهم مشكلة في العدد .. و مط فترة الحرب قدر الامكان لان نفسهم قصير ..
حبيت اوضح النقطة دى لان البعض خلط بينهم .. خطة المآذن كانت جزء من عملية بدر .. مش المسمي السابق للعملية .. ربنا يرحم الفريق الشاذلي رحمة واسعة ..
التعليقات مغلقة.