خطأ شائع في بيزنس المصريين

خطأ شائع في بيزنس المصريين
.
تلاقي صاحب مصنع مش قادر يوصل لتكاليف انتاج مستقرة بسبب عشوائية قرارته وعبثه الاداري..
فيقوم حاطط سعر مرتفع لمنتجه يأمن بيه نفسه في حال وصلت تكاليف الانتاج لاعلي مستوياتها.. ومتخيل انه كدا برنس وبيعمل Risk Control.
.
.
بس الحقيقة انا كدا بيضر العميل اللي مضطر يشتري منتجه بسعر اعلي من سعره الطبيعي.. وبيضر نفسه لانه مع ارتفاع سعر منتجه مبيعاته هتقل..
.
غير انه محلش المشكلة الاساسية وميعرفش ليه تكلفة الانتاج شوية تزيد و شوية تقل.. ودي مصيبة اشبه بواحد عنده تاكسي مشغل عليه سواق.. شهر يسحب منه ٣٠٠٠ جنيه زيت وبنزين وشهر يسحب منه ١٥٠٠٠.. والايراد هو هو.. وصاحبنا لا بيسأل ولا بيراجع ورا السواق.
.
.
المدير الشاطر اللي يقدر يخضع كل حاجة نمطية متكررة في شركته لمعادلات ثابتة مبتتغيرش.. غير كدا متبقاش ادارة..

Ahmed Ammar لتحسين خرج الشركة بتعمل حاجة من اتنين .. يا تقلل نفقات يا تزود ارباح ..
الفشلة بس بيفكروا في الحل الاول ويغمضوا عنيهم عن التاني .. الحل الاول دا مينفعش نلجأ له الا كمرحلة اخيرة مادمنا بنتكلم عن عمالة ..

اما تقليل النفقات عن طريق تركيب لوحة باور فاكتور كوركشن مثلا توفر في الكهرباء .. او اننا نعدل حاجة في اللوجيستيات .. او اننا ندور علي موردين ارخص للخامات .. فدي اجراءات محمودة جدا ..