شايف الست المحتشمة دى
دي الدكتورة صاحبة الريكورد اللى بتنكر فيه علي شاب انه رجع للصلاة .. الصورة من علي صفحتها وهي اللى رفعتها بنفسها كنوع من الندم علي المرحلة دى من حياتها ..
.
سيبك من شخصها .. ربنا يردها للاسلام ردا جميلا .. مصيبة انكار معلوم من الدين بالضرورة مش هينة ..
لكن خلونا نفكر بعض بدرس مهم جدا:-
.
مشاكلك كلها بتتقسم لقسمين .. شهوات وشبهات ..
الشهوات امرها سهل .. انت عارف ان الزنا حرام والرشوة حرام .. فلو عملتهم فيه فرصة تتوب منهم لانك عارف انك غلطان ..
اما الشبهات فدي كارثة .. انت مبتبقاش عارف انك غلط .. فمفيش فرصة انك تسمع صوت جواك يقولك ارجع لربنا ..
.
فالحل يا حبيبي انك تتعلم دينك .. متمشيش مع اللى ماشيين وخلاص .. ساعتها هتعبد ربنا بيقين .. العلم هيحصنك ضد الشبهات و هيكسبك التقوى اللى تبعدك عن الشهوات ..
ومتغترش بطاعتك .. الله اعلم بحال كل واحد فينا بكرة .. والله اعلم بالحال اللى ربنا هيقبض روحنا عليه .. العبرة بالخواتيم وخواتيمنا في علم الغيب ..
التعليقات مغلقة.