التوقعات #اليومية 🔮

الثلاثاء / 28 / أيلول / سبتمبر / 2021🔥

(يمحو ويثبت وعنده أم الكتاب)

الرسالة #اليومية

قال تعالى:(فلا يحزنك قولهم)
اعلم ان كلام ناس أذى فلا تحزن لقولهم فكلامهم اشبه بتراب اذا لم يطير بالهواء فهو يداس بالأقدام عيش عفويتك فلألسنة لن تصمت.

يسعد✴#أوقاتكم✴#جميعاً..

القمر☽ ♋ بينتقل لبرج السرطان المائي كوكبه القمر..

الحمل ♈

مهنياً:القمر بالسرطان اجواء اجتماعية وعائلية حاول تستغل هاليوم لترتاح وتكون ضمن عيلتك وبيتك .. في حساسية ببعض الامور العائلية وعم تعطي اهتمام لاحد افراد عيلتك وبتحس حمل العيلة على كتافك يوم في شغل بالبيت ومسؤوليات ..الفلكي علي عجيمية خليك هادي وحكيم بتعاملك وبلا عصبية ونرفزة حاول تكون دبلوماسي ولا تحمل الامور اكتر من للازم .. لقاءات اجتماعية بيومك وعم تعمل تصليحات ببيتك والبعض عم يفكر بنقل منزل او قصة اجار ويمكن بيع وشراء ..
عاطفياً:ماعم تعرف شو بدك وعندك حيرة وشريك عم تفقد ثقة في شوي شوي وماعم تصدق الكلام بلاخص عم يحاول يضغط عليك وعم يسبب مشاكل بدون سبب وعلى أتفه الامور ..حاول تبتعد عن الاجواء المشحونة وتفصل بين حبك والعائلية ولازم تحل القصص الي متعبتك بأسرع وقت ..الاعزب قصة حلوة وارتباط والمرتبط فرحة قريبة ..
صحياً:لازم تكون حريصة على حدا بالعيلة وتوقف معو وانت لا تشتغل شي من راسك ..
❤غنيتك❤اليوم:ياجميلتي يا أميرتي .. امين خطاب

الثور ♉

مهنياً:القمر بالسرطان بتحسم امورك وقرار مهم وعقار او نقل بيشغلك وفرصة سفر وقصة سيارة وموبايل .. امورك بتتحسن بشكل تدريجي دون عرقلة او تأجيل وعم تكون اجتماعي وبيحملك هاليوم اتصالات وخبر حلو ومواعيد بتكتر وناس جديدة .. الفلكي علي تنقلات ومشوار وعزائم وحلول لبعض الالتزامات بس قدر الامكان تجنب ردود الافعال من اشخاص قريبة منك كتير ولا ترد وساير وخفف عصبية وانتبه من الحوادث ..
عاطفياً:بعد ايام متعبة وضغط وتوتر وسوء الحظ يومك جيد عم تطلع من ضغوط وتواصل واتصالات وموعد وعم تبادر كمان بس لا تتجاهل بعض الامور وتفاصيل لصغيرة لتكمل معك هالمرة خليك على حذر وراقب الوضع وحاول تفهم كلشي بشكل منيح ولا تجازف بأي خطوة بدون ماتكون حاسب حسابك وكون أكثر حرص على نفسك .. فرصة ليصير لقاء وتلاقي أوقات حلوة وبتقدر تقنع الشريك بأفكارك وحلول لمشاكل عندك ..
صحياً:شوية التهابات وحساسية وانتبه من الحوادث وممكن تزور مريض او شخص غالي ..
❤غنيتك❤اليوم:فارقوني .. ناصيف زيتون

الجوزاء ♊

مهنياً:القمر بالسرطان تقلب ومزاجية وحلول لمشاكل وعراقيل .. عم يكون عندك دفع ومصاريف مالية عم تكتر حاول ضب ايدك ممكن محتاج مال او عندك قصة بتتعلق بالمال بحاجة للحل .. الفلكي علي ممكن يجيك مال واشخاص بترجعلك .. حاول تنتبه شوي لمعاملتك ولعلاقاتك يومك منيح نسبياً بس بدو وعي وحسن تصرف بلاخص مالياً …
عاطفياً:تواصل واتصالات وحضورك مميز والماضي ع البال وشخص بعيد عنك .. ظروف بتأمن مناخ منيح بينك وبين الشريك استغل هاشي لتقارب وناطرتك فرص حلوة قريباً بلاخص الاعزب والمرتبط جديد .. بحاجة لحسم الخيارات ولميل نحو الأستقرار وخليك ثابت برأيك وتعامل بدبلوماسية اكتر .. هدوء وتفاهم ممكن يصير بينك وبين الشريك هالفترة فاستغل هاشي ..
صحياً:ارتخاء أعصاب ومشاكل بالصدر وبحاجة لطبيب الك او لحدا بالعيلة ..
❤غنيتك❤اليوم:انت زعلان مني .. اياد طنوس

السرطان ♋

مهنياً:القمر ببرجك بتزيد طاقتك والحظ بساعدك لتنجز أعمالك وبيدعمك بأحداث جديدة وتغيرات أيجابية .. الفلكي علي حلول لبعض العراقيل الي كانت عندك تنقلات ولمة حلوة وعم تهتم بأمور شخصية اكتر وفيك تستفيد من دعم أشخاص حواليك .. عم تطلب مساعدة وعم تتلبى وناس عم توقف معك بحل مشكلة او قصة رح تشغلك .. تنقلات وتجهيز والتزامات وامور عائلية ..
عاطفياً:بتعود الامور من جديد برغم ماكنت مرتاح بس يومك عاطفي وللقاءات واتصالات ولتكون قريب من الشريك .. واذا في زعل بنصحك تصالح ولا تكبرها اكتر وأختصر على حالك امور معقدة مو بوقتها هلق وممكن تأثر عليك لوقت طويل .. استغل هاليوم لتحط نقاط على الحروف ولا تخاف الحظ معك وتواصل مع ناس مهمة وامور عائلية بدخل بالعاطفة ..
صحياً:حافظ على صحتك واستغلك طاقتك بأمور ايجابية وحاول تعمل شي جديد صحياً ..
❤غنيتك❤اليوم:يوم الماشوفك ماريد عيوني .. سعدون الجابر.

الأسد ♌

مهنياً:القمر بالسرطان رتب امورك منيح وانفراج بقصة بعد ماصار تأخير أو تأجيل .. الفلكي علي يوم اجتماعي وناس كتير بس انت مو مرتاح وممكن توتر بعلاقتك مع شخص مقرب او شريك او في نفاق من البعض وقصة عم تشغلك مع شخص مهم او مسؤول ولازم ماتغيب او تتأخر عن شغلك والتزاماتك .. حافظ على أستقرار وضعك وبلاخص بالعيلة وببيتك وقصة عم تاخد من وقتك .. اذا ناطر شي بخص سفر أولقاء مهم في خبر منيح وبتزور مؤسسة او مركز حكومي بيومك ..
عاطفياً:المتزوج بدك تكون على حذر لان شريك متعبك وماعم يفهم عليك ماعم تلاقي الاحساس الي بدك ياه من الشريك انت امام يوم مجبر على انك تتحمل ضغوط من الشريك وتكون هادئ روق هاليومين بس .. المرتبط عم يتحسن وضعك وبتحل مشاكل وفي تسويات بعد توتر كبير والاعزب ممكن علاقة حب او شخص مهم وتحسن بوضعك بس الحسم مطلوب وتأخير مو لصالحك ..
صحياً:ريح حالك وخصص وقت لترتاح في بعيد عن القلق وتوتر وضغوط نفسية ..
❤غنيتك❤اليوم:سلامات .. حميد منصور

العذراء ♍

مهنياً:القمر بالسرطان انت بوضع افضل من قبل وراحة من قصص تعبتك .. علاقات اجتماعية وعائلية وناس بتحبك عم تعزز علاقاتك وعم تتلقى دعوات وسهرة وعم يزيد نشاطك ومشاركة بفعاليات واتصالات كتيرة وتحسن بأوضاعك .. حركة بيع وشراء للبعض ودخل مالي وقصص بتلاقيلها حل واخبار حلوة رح تسمع وسفر قصير او تنقلات وزيارات وعزائم اكل طيب
واجواء حلوة وسهرة مميزة ..
عاطفياً:الاعزب امورك العاطفية افضل وفرصة اعجاب والمرتبط شريك عم يتعبك .. انت افضل لتقضي يومك برومنسية عبر لقاء او اتصال طويل عم تكون دبلوماسي بعلاقتك وبكلامك وبمساعيك لتحقيق لاستقرار .. يمكن شريك فضولي وبينتقد وبيذكر قصص قديمة لا تفكر كتير بالحكي ومرقلو شوية اخطاء اذا بيستاهل ..البعض عم يميل لعلاقات سرية وشغف عاطفي وعلاقات متعددة ..
صحياً:انتبه من وجع اسنان وخفف اكل الحلويات ..
❤غنيتك❤اليوم:ياريت .. فيروز

الميزان ♎

مهنياً:القمر بالسرطان خلص الضروري لترتاح من ضغوط ركز وأهتم بعلاقاتك وبشغلك وبتبلش ترتاح صحياً .. الفلكي علي كون مرن بعلاقاتك وبتعاملك مع لكل لتحسن امور شغلك او لتشوف ناس الك فترة ماشفتا الفلك داعم الك وتدريجي هالكام يوم بتطلع من تعبك وقصة مع احد زملاء بدك تنتبه شوي لان عم يوصلوا حكي وقيل وقال لهيك أنتبه على سمعتك وممكن البعض يحقق شهرة وقادر يخلص الاعمال الموكلة اليه وقرار مهم بخص شغل او وظيفة عمل وتواصل مع شخص مهم ..
عاطفياً:يوم بيحملك تطورات عاطفية جديدة افضل من قبل المهم لا تكون عنيد وتتمسك برأيك وتتنازل شوي يعني بكلمتين حلوين بتعرف بتلاقيلها حل .. بعض المرتبطين في شي كابس على نفسك ومتعبك او تعبان من وضعك مع الشريك .. لاعزب ناطرك اوقات حلوة جهز حالك او ممكن تعود علاقة خسرتها من فترة او حدا يصارحك بحبو ..
صحياً:انتبه على صحتك بلاخص القلب .. وصحة شخص كبيرة بالعيلة بتشغلك.
❤غنيتك❤اليوم:مانتهى العالم .. وفيق حبيب

العقرب ♏

مهنياً:القمر بالسرطان اجواء اجتماعية وناس جديدة ممكن سفر او مشوار وتنقلات وتغيير لمكان وحلول وعزائم .. الفلكي علي خليك متفائل بيوم في اتصالات بعيدة او شخص غريب وعم تغير بعض العادات فيك وقصة عقار رح تشغلك .. يوم في مقابلة او اختبار وفي تقدير لجهودك وامور بتخص دراسات عليا والبعض بينشغل بقصص قانونية او قضائية بس أنتبه من الحوادث ومشاكل الاتصالات والمواصلات وخبر منيح بيعطيك طاقة ايجابية.
عاطفياً:بعد تعب بعلاقتك في استقرار وشريك ماشي حالو معك .. مشاعر واحاسيس عم تبلش تكبر وعم يكون في مصارحة وتقدير للوضع بعيد عن ضغوط الي كانت موجودة وفي اعتراف ومصالحة وامور عم تتوضح قدامك .. لقاءات واتصالات طويلة وتبادل للكلام ومناقشات او ممكن تقابل شخص غريب ومشوار مع الشريك وحب جديد للاعزب .. والي عندو جفا او في انفصال لا ترتكب اي تصرف متهور ومو محسوب نتائج تريث الامور رح تكون بخير بس مابدي تسكر الحلول بوجهك ..
صحياً:شعور بالملل وضجر وبحاجة لتغير جو وتشوف ناس بتحبا ولازم حدا يعزمك ..
❤غنيتك❤اليوم:شدني غمرني .. ادهم نابلسي

القوس ♐

مهنياً:القمر بالسرطان حلول لمشاكل وتحسن بيومك وفي تقدم ونجاح .. عم تنظم امورك وعم تعيد حسابات لكتير امور بحياتك وعم توضح وجهة نظرك وعم تكون مقنع .. الفلكي علي تسهيلات بالعلاقات وحلول وفرصة لتحقق مكسب مادي ومعنوي ولتتخلص من بعض لالتزامات وتسديد فواتير واقساط او قصة دين أو ميراث للبعض .. علاقات اجتماعية مميزة وقصة بتتعلق بلاطفال ويوم اغلبه مالي وفي حوالة او مبلغ ومفاجئة ..
عاطفياً:حاول تستغل يومك وجاذبيتك وعاطفتك لتعمل تغييرات مهمة ومصالحات وعم تقدر تقنع بوجهة نظرك .. لازم تلاقي حلول وتحط نقاط على الحروف وتكون رايق لتوصل لشي بدك ياه بعلاقتك بعيد عن اي حساسية او عراقيل ممكن تواجهك وبلاخص الشكوك العاطفية بعد عنا ولازم تستعجل بحسم امورك العاطفية مهما كانت ..
صحياً:شغاء من مرض والوقت منيح اذا حابب تعمل عملية او تجميل ..
❤غنيتك❤اليوم:بتعرف شعور .. ادهم نابلسي

الجدي ♑

مهنياً:القمر بالسرطان مضغوط كتير هالفترة خلص شغلك ولا تخلي لاعمال تتراكم عليك يوم في شراكات وقصص عائلية وافكار مالية عم تراودك وبحاجة شي جديد وضب ايدك على مصاريفك الي عم تزيد رغم المال الي عم يوصلك ماعم يهدي .. الفلكي علي عم تشغلك قصة الك او لحدا بعيلتك وبحاجة دعم ومساندة بس لا تغامر وفكر منيح .. علاقاتك عم تكبر واتفاق وتنسيق بموضوع مهم وممكن شراكة جديدة عندك وجهز حالك للقاءات كتيرة لمهم تنظم وقتك وخبر حلو وراحة واذا في اوراق او شغل بالبيت خلص هالفترة ..
عاطفياً:الأعزب عندك تواصل واتصالات وممكن بعض الصداقات او شخص عم تتحول العلاقة معو لحب تدريجي .. المرتبطين بدك تتجنب مشاكل صارت معك قبل لان يومك مُعرض في ترجع قصص من جديد بلاخص اذا في شوية كركبة بوضعك العائلي او قصة عندك عم يصير فيها حكي وقيل وقال وحلول نشالله قريبة وشي مشترك مع الشريك بدك تعملوا ..
صحياً:عم تفكر لقدام كتير لهيك لا تخلي الوساوس تبلش وتسبب قلق حافظ على صحتك وتحسن قريب نحو الافضل ..
❤غنيتك❤اليوم:جاي عن قلبي تسألي .. ناصيف زيتون

الدلو ♒

مهنياً:القمر بالسرطان شغل والتزامات بهاليوم وبالاخص بالبيت وخبر جيد .. يوم بدو ترتيب وتنظيم وخلص شغلك وخليك صبور بحل مشاكلك وكلشي بوقتو حلو .. الفلكي علي لا تستعجل على شي وخلص المهم ورح تنجح بأعمالك وممكن في حكي بشغل جديد او سفر واوراق .. ممكن ترقية قريبة وتحسن بوضع شغلك والمنزل وممكن تلاقي شغل يوم في مسؤوليات كتيرة لهيك لازم تنتبه على صحتك كمان ولا تجهد نفسك وجسمك ولا تعمل مشاكل مع حدا بشغلك او حدا من اهلك ولا تغيب او تتأخر على شغلك حتى ماتسمع حكي ..
عاطفياً:عم تعاني قلة الاهتمام رغم في تواصل وتفاهم ونقاط مشتركة وفرصة لتصلح بعض الخلافات مع الشريك .. يومك حلو لتقدر تعمل شي جديد بعلاقتك وتواصل افضل من قبل .. اتصال وخبر بيوصلك وبزيد نشاطك والاعجاب فيك والبعض عبر مواقع تواصل او بمكان عملك وتغيرات افضل بلايام الي جاي ..
صحياً:خمول بالجسم حافظ على صحتك حتى ماتتعرض لوعكة صحية او التهاب وصداع برأس ..
❤غنيتك❤اليوم:مجبور .. ناصيف زيتون

الحوت ♓

مهنياً:القمر بالسرطان الزهرة بالعقرب من افضل الايام طاقة و حظ وثقة بترجعلك من جديد ومستجدات وحلول لمشاكل ..الفلكي علي أستغل دعم الفلك الك لتحسن وضعك العاطفي والمالي والعائلي وعلاقاتك الاجتماعية بتزيد ورفقات وناس بتحبا ولمة حلوة ومال ممكن يوصلك بعد تأخير او قصة بحاجة لدفع .. حركة وتنقلات ولقاءات وفرصة للبعض بتخص انجاب الاطفال او مولود قادم بالعيلة وبدي باركلك على قصة طبعاً حسب وضعك او بشي انت ناطرو..
عاطفياً:دعم وتواصل واتصالات وجاذبيتك بتزيد وحسم عاطفي .. في استقرار بعلاقتك بلاخص كان في توتر وسوء تفاهم ماكان الوضع منيح .. رومنسية وحب ومواعيد او لقاء واتصال طويل حتى ممكن شخص عم يتقرب منك او قديم عم يتواصل ..اذا في زعل مع الشريك بحاجة لمراجعة حساباتك منيح لأمور بترجع افضل بس انت لا تكبر القصص واحسب خط لرجعة .. استغل هاليوم لتصلح علاقتك ومرقلو هالقصة على خير وتنازل شوي امرك ل الله ..
صحياً:مشاكل صحية بسبب ضغط المحيط والجو انتبه على عيونك او من دوخة وفقدان توازن يمكن بسبب الاذن ..
❤غنيتك❤اليوم:حافظك عن غايب .. جوزيف عطية