ايه أحسن دايت ممكن الإنسان يمشي عليه؟
-أحسن دايت ممكن تمشي عليه هو اكتر دايت ممكن تستمر عليه عمرك كله
-الدايت اللي يقدر يظبط وزنك أطول فتره ممكنه من حياتك
-الدايت اللي مايخلكش تدوخ ولا تتعب ولا تكتئب ولا تكره الاكل ولا تكره نفسك وتعرف تشتغل وتقوم بحياتك بشكل طبيعي وسليم وفي نفس الوقت مع كل ده يحافظ على وزنك وصحتك وحجم عضلات
-مش لازم الاكل الصحي تمشي عليه حرفيا
-مش لازم تعيش حياتك كلها Healthy
-طبعا ساعات لازم تاكل اكل من نفسك سعراته عاليه ساعات هيبقى عندك مناسبات فيها أكل دسم أوحلويات ساعات مش هتلاقي عندك في التلاجه اكل صحي او ممعكش فلوس تشتري أكل صحي
-فطبعا هتضطر تاكل اكل دسم وسعراته كتير
-بس اهم حاجه انك ترجع تاني على التراك وترجع للأكل الصحي بسرعه وماتسيبش الاكل الدسم يسحلك ويسحبك وتنسى الاكل ال Healthy والحياه ال Healthy
-ماتشيلش وزنك وجسمك من تفكيرك وتريح دماغك وتقول أكل اللي أكله
-لما تفضل ترجع كل شويه لتراك الاكل ال Healthy وتسيبه وبعدين ترجعله بسرعه وتغش في حاجه وبعدين ترجع بسرعه تاكل Healthy
-كده انت بتاكل بطريقه اسمها Balance food ودي أكتر طريقه عمليه ومناسبه لحياة الناس كلها
-وافتكر دايما ان اللي ماتقدرش تعمله كله ماتسيبوش كله
التعليقات مغلقة.