التوقعات اليومية للابراج

الأثنين / 13 / أيلول / سبتمبر / 2021🔥

(يمحو ويثبت وعنده أم الكتاب)

الرسالة #اليومية✍💌

النجاح هو: ‏إيمان بأنك تقدر ، ويقين بأنك تصبر
‏وإصرار بأنك تعبر..

يسعد✴#أوقاتكم✴#جميعاً..

القمر☽♐ بكمل في برج القوس الناري كوكبه المشتري ..

🔥ملخص يوم الاثنين🔥
مازلنا عم نعيش طاقة نارية مع وجود القمر بالقوس وقوة الشمس و المريخ بالعذراء ورومنسية الزهرة في برج العقرب وجنون عطارد في الميزان ..القمر عم يأثر ايجابي على ابراج الاسد الحمل القوس .. طاقة عكسية عم تشعر بها ابراج الماء والتراب مع عدم الانسجام وتفاهم وحسم للامور واعباء وضغوط .. عم يعطي دفع ايجابي للابراج الهواء لكن تملك والغيرة عم يزيد ويجب الحذر من هاشي بلاخص بلعلاقات العاطفية .. الغيرة عم تكون سبب هاليوم لتراجع بعض العلاقات العتب ولوم ولاستهتار ..

الحمل ♈

مهنياً:تنقلات واختبار وعلاقات وشغل وصحة في نشاط بس اعمال متراكمة عندك .. تحسن بوضع شغلك وعيلتك وعم تعمل علاقات جديدة حتى شعبيتك عم تزيد .. يوم عم تكسر روتينك الممل وعم تتخلص من اختبارات واتصالات وناس غريبة ويمكن في تواصل من اجل شغل او سفر وعم تعمل زيارات واجب تجاه اشخاص وعم تنشط على مواقع التواصل ودراسات عليا وعقارات رح تشغل البعض ..
عاطفياً:عم تكون دبلوماسي مع الشريك وانت ماحابب تعمل مشكلة او تصعد اي خلاف وعم تغض نظر عن الاستفزازات .. الحظ بحالفك عندك خيارات عاطفية لا تتردد فيها ممكن ارتباط بهاليوم وبلاخص لاعزب والبعض في حكي بموضوع زواج او يمكن تسافر بقصد زواج والبعض ارتباط بمكان عمل او دراسة ..
صحياً:بتشوف طبيب ونشالله في شفاء من مرض الك او لحدا بالعيلة ..
❤غنيتك ❤اليوم:بعيد عنك حياتي عذاب .. أم كلثوم ..

الثور ♉

مهنياً:مال ومعاملات وعاطفة ويوم افضل وداعم الك بتغيرات وحظ ولقاء اواتصال وقصص متعلقة بالمال .. عم تحكي بامور مالية ونقاشات وعم يكون في تواصل وانفتح اكبر واشخاص جديدة عم تتواصل معك يوم في مال وحلول لقصص ومعاملات ابذل جهد لتنجح وتغيير بوضعك في اوراق وامور قضائية .. يوم في استقرار نسبي خطوات جديدة وايجابية زيارات او مشوار واتصالات كتيرة ومبلغ مالي ومصاريف عم تزيد وممكن باركلك بهاليوم ..
عاطفياً:المرتبط والمتزوج بدك تروق يمكن مو مرتاح وعم يكون في جفا والمشاعر خافة لا تخلي جهودك سابقة تروح ع الفاضي ولا تصعد اي خلاف واذا بدك طنش .. لا تخلي افكارك تاخدك وتجيبك لانك صبرت وصار من حقك ترتاح .. هديلي حالك ونشالله الحلول بعد هاليوم وممكن تبلش بأخر سهرة ..الاعزب والمرتبط جديد في تواصل واتصالات ويمكن للقاء وحمل عم ينزاح على كتافك حاول تستغل الاجواء بلاخص المسا في ترتيبات جديدة وامورك افضل ..
صحياً:شفاء من مرض وبحاجة تغير جو وترتاح من ها ضغوط ..
❤غنيتك ❤اليوم:بعدك متل ما أنت .. معين شريف

الجوزاء ♊

مهنياً:شراكات وامور عائلية بعدا مسيطرة على الوضع ركز مالياً وبعلاقاتك وكون دبلوماسي .. عم تبذل جهد وعم تساير لا تتسرع بكلامك او تدخل بمواجهات وحاول تكون بعيد عن الاجواء العمل الروتينية ضب ايدك مالياً وأنتبه تخسر او تتوتر علاقتك ببعض الشركاء او الاصدقاء وعم تهتم لقصة حدا بالعيلة ولا تخلي حدا يستفزك وتعصب على الامور مو مستاهلة يوم ممكن تحصل في على شراكة وتستفيد من شخص بالعيلة لو انو الوضع مو رايق ..
عاطفياً:مدايق من تصرفات و ردود افعال الشريك المستفزة وضعك العاطفي متقلب مافي استقرار وناس مصالح .. لامور بعد مو متل مابدك وفيها ضبابية وما عم تكمل وفي ضغط نفسي من كلشي حواليك .. بشوية هدوء وتركيز ومسايرة ممكن امورك بتروح نحو الاستقرار عندك اتصال او ممكن تلتقي بشخص اما جديد او غالي وممكن البعض عندو ارتباط وشراكة جديدة عاطفية واتصالات فيها رواق اكتر ..
صحياً:انتبه من اكل الحلو في وجع اسنان وطبيب بيومك والبعض صحة شريك ومصاريف على صحة ..
❤غنيتك ❤اليوم:فكرتك صح .. أدم

السرطان ♋

مهنياً:مرق هاليوم ع خير وانتبه لامورك ولا تعب حالك عندك التزامات وشغل بس نشالله كلو لصالحك .. بتحس مافي شي عم يكمل او يظبط معك ويوم في ضغوط بالعيلة وبشغلك وبالبيت وزيارات وناس حكيها عم يتعبك ومسؤوليات كتيرة فوق راسك هدي ولا تكبر القصة مع حدا بالبيت كمان .. رتب وضعك ومواعيدك ولا تزعج حالك البعض مقبل على شغل جديد ولقاء مهم وتدريجي وضعك بيرتاح ..
عاطفياً:ماني حاسك مرتاح والشريك عم يزيدها عليك .. بحاجة وضعك لراحة والاهتمام ويكون في دبلوماسية وتبعد عن اي توتر او سوء تفاهم ممكن يكبر ولا تستمر بعلاقة مارح تجيب نتيجة نصيحة الك .. فكر بحالك والفترة القادمة توقع اجواء عاطفية مهمة بلقاءات وممكن ارتباط بشكل مفاجئ وتطور بلاحداث افضل بس ليوم بدو رواق وبعد عن العاطفة .. بس البعض عندو لقاء بشخص اما عن طريق شغلك او دراستك ..
صحياً:بعد عن محيطك لترتاح صحياً وبلش بشي جديد على صعيد لياقة او حمية او نادي ورفه عن نفسك ولا تشيل هم ..
❤غنيتك ❤اليوم:لا تقوليلي ولا بقلك .. معين شريف

الأسد ♌

مهنياً:اشمس عم تعاكس حظوظك لهيك انتبه عاطفياً مالياً .. علاقات وناس كتيرة وعم تحل مشاكل عندك وفي خبر بريحك نفسياً .. لازم تبذل جهود لترتاح ضمن بيتك وشغلك او اذا عندك امور قضائية وادارية بتنحل قريباً .. خلص شغلك المكلف به عندك اتصالات وناس كتار وموضوع بخص سفر ومال وعم تهتم بأطفالك وممكن مشوار وعزيمة او قصة انجاب بدا تشغلك البعض .. الفلكي علي Ali Ajame
عاطفياً:بدك تكون دبلوماسي بس الأعزب اجواء عاطفية ورومنسية حب جديد او صدفة وعم تعزز علاقاتك .. بتقدر تمتلك قلب الشريك وبتقضي وقت معو بين اتصال اولقاء وتواصل طويل وحب قديم .. المتزوج حاول تنتبه لكلامك ولا تلتفت لمواضيع قديمة نصيحة مني حتى مايتعكر الجو ولا تناقش بقصص عم ترجع توقع فيا وتسبب مشاكل وضب غيرتك هاليوم .. اوقات حلوة وممكن شي جديد بيومك وعاطفة حميمية استغل هاليوم اذا كنت مرتبط جديد او اعزب ..
صحياً:عم تهتم بصحة حدا عندك وانت انتبه لصحتك شوي ولا تعب حالك والبعض يمكن في عملية..
❤غنيتك ❤اليوم:حكيو عينيك .. ريان

العذراء ♍

مهنياً:بعدا القصص العائلية والمالية بتشغلك هاليوم رتب امورك منيح مشغول بقصة حدا بالبيت او شخص غالي عليك ولا تدايق على شي ومرق يومك على خير بدك تتحمل .. ركز بوضعك وخلص المهم بشغلك وبيتك وبلا عصبية وانتبه من ناس عم تعرقل جهودك بوجهك شي وبضهرك شي .. في قصة عقار لا تترد وممكن تغيير مكان وعم تعمل تغييرات والبعض عندو خبر عائلي ..
عاطفياً:روق اليوم وتغييرات جديدة من المسا .. مانك مرتاح وبحاجة لتكون صبور بعرف ضغط عليك كبير وحاسس بضجر وملل بعلاقة او سوء تفاهم من اي شي عم يصير .. بنصحك تهدي وتروق وبلا انفعال التواصل خافف وشكوك عم تزيد والبعض قديم عم يتواصل او كتير عم يخطر ع البال المسا .. لمسا في سهرة وعم تخطط لشي مع الشريك وحب جديد وامورك بتبلش تتحسن ..
صحياً:صداع والبعض مشاكل بالمعدة اهتم بحالك واكلك اكتر ..
❤غنيتك ❤اليوم:ياويلي من حبا .. وائل كفوري

الميزان ♎

مهنياً:بداية جديدة مؤسسة او مركز جديد حركة واتصالات وناس جديدة واجواء حلوة واهتمام عائلي وزيارات .. عم تحل مشكلة عندك وعم تشغل بالك بأكتر من قصة ويمكن في امور بتخص اوراق او تغيير سكن وعقارات بشكل عام حتى بكون عندك فرصة لتسافر او تعمل مشوار وتتقرب من ناس بتحبن ممكن مقبل على شغل جديد لتحسن امورك المادية قادر توصل وتنجح لانك كتير سلس بتعامل ومتفهم لمحيطك وبدي باركلك على قصة هالكام يوم في..
عاطفياً:في حكي بيومك وتواصل طويل حاول توصل مشاعرك وعاطفتك بشكل صح وتقضي وقت مع الشريك .. اطلالة مميزة وحكي حلو ودبلوماسي بكلشي ممكن لقاء واتفاق على شي مهم وقصة عم تشغل الشريك .. بعض المرتبطين الي امورك متوترة بدي ياك لا تزعل على حدا مابيستاهل فكر بالاشخاص الي بتحبك الوقت عم يمرق ع الفاضي مع هيك ناس ..اصدقاء بتوقف حدك وبتساعدك كمان لتطلع من هالحالة ..
صحياً:ريح حالك هاليوم وبحاجة لقسط من راحة لتستعيد طاقتك من جديد ..
❤غنيتك ❤اليوم:انا تعبان من غيرك…تامر حسني

العقرب ♏

مهنياً: يوم في حركة وتنقلات وقصص مالية .. مشغول بالك باكتر من قصة وعم تفكر بشي جديد او شغل جديد لهيك بدي منك تحدد خياراتك وتهدي بامور العيلة ومصاريفك كترانة على مستلزمات وفواتير وعزائم وتصليح .. رتب امورك المالية وضروري تفكر بشغل او دخل تاني والبعض ممكن يجي مال بس انتبه من اي غلط بخليك تخسر مال .. علاقات اجتماعية بيومك وفيك تجهز لمشوار ولمة حلوة ونشالله في شي حلو بنهارك عبر اتصال او صديق ..
عاطفياً:عم تعاني تعب عاطفي واستفزاز وبحاجة لشخص يهتم ويكون معك بهالوقت بس برغم كل ضغوط لا تتسرع وخود وقتك .. الفلكي علي حاول تحافظ على علاقتك ولا تحسم اي قرار بيومك وكون مبادر ولا تيأس .. استغل الوضع لتتواصل ويكون في نقاش هادئ لتحل مشاكلك مع الشريك بهدوء وحدث مهم رح يصير قريباً وانا بشوف في تحسن من المسا لصالحك ..
صحياً:شوية تعب وارهاق وامورك بتتحسن ومافي خوف عليك بس البعض تجنب عدوى كريب وخليك حذر ..
❤غنيتك ❤اليوم:لقيت طب طبة .. حسين الجسمي

القوس ♐

مهنياً:يوم داعم بتغيرات شخصية وبداية جديدة داعمة بالحظ والعمل واشخاص مهمة ..جذاب وشعبيتك زايدة ناس جديدة واشخاص بترجع تحاكيك محبوب من الكل وعم تعمل تغييرات بشكل وعزائم واتصال وخبر حلو .. عم تكون متحرر اكتر وعم تابع اعمالك ورح تحصل شي مهم وممكن مكافئة او عرض جديد .. متفائل وعندك افكار كتير بدك تعملا وحلول لمشاكل بلاخص ادارية او مالية وعلاقات مع اشخاص مهمة وبالبيت ..
عاطفياً:من افضل الايام الي عم تكون مدعوم فيها عاطفياً بارتباط جديد وحب ممكن يكبر واعجاب متبادل واجواء حلوة .. تواصل وتفاهم وانسجام بدك تستغل الوضع هالفترة لتغيرات ايجابية المهم تحافظ على اسرارك وتكون دبلوماسي وتعمل تقارب مشترك ..
المرتبط يمكن بدك تجهز لفترة قادمة بحياتك وممكن خطبة او زواج قريب جداً ..
صحياً:حاول تنتبه من كريب وشوية التهابات عم يعاني منا البعض ..
❤غنيتك ❤اليوم:بالبنط العريض .. حسين الجسمي

الجدي ♑

مهنياً:قصص كتير عم تشغلك شي عم تفكر بسفر وتصليحات وامور مالية بعرف مو مرتاح هاليومين وضغط عليك وعندك قلق من قصة يمكن فيها دفع مالي .. رغم المال الي عم يوصلك بس في مصاريف عم تطلعلك لا عالبال ولا ع الخاطر وهاشي عم يخليك مانك راضي عن الوضع تمام لا بالبيت ولا بشغل لان في التزامات وتراكم اعمال لا تعب صحتك وتضغط على حالك اكتر .. هدي بعلاقاتك مع المحيطين وزملاء ولا تكبر القصص وضب ايدك على مصاريفك وممكن مال او حوالة وناس جديدة واتفاق جديد روق رح تبلش ترتاح نشالله بعد هاليوم المهم لا تكبر الامور مو مستاهلة ..
عاطفياً:رغم ضغوط الي عليك لازم شريك يخفف عنك ويريحك يمكن مزاجية الشريك مو ظابطة لهيك بدي منك طنش ولاتخلي نقاشات تاخد وقت مطول حتى ماتتسبب بمشكلة .. بعرف انت مالك نفس ع شي وحاسس المشاعر مو متل قبل يوم في حسم وحلول وتواصل مع شخص جديد واتصال .. لا تفوت بعلاقة مارح تجبلك نتيجة ورح تسبب الك بعض المشاكل او ممكن تخسر علاقتك بشخص .. من المسا امورك افضل وتغيرات حلوة واعجاب مبدئي وترتيب لموعد او لقاء حلو ..
صحياً:ممكن تزور ومشاكل مفاصل واسفل ظهر والبعض أسنان وامور جلدية ..
❤غنيتك ❤اليوم:أنا في بعدك مش انا .. فارس كرم

الدلو ♒

مهنياً:شغل والتزامات وعلاقات واذا بحاجة لمساعدة لا تتردد .. عم يكون في دعم من اشخاص الك او أخ وعم تعزز وضعك العام بالبيت وبعلاقاتك وبتلاقي مين واقف حدك وقادر تقنع وتوصل وتكون محوري بيومك وعم تكسب الثقة من جديد باشخاص مهمة او مسؤولين وفي اتفاق ونقاش وشغل من وراه مال .. في تنقلات وسفرة قصيرة واتصال مهم وعزيمة وسهرة واهتمامات صحية لحدا مقرب او ممكن تزور مريض وعم تقوم بالواجب ..
عاطفياً:شغف عاطفي ومحبوب وصداقة بتتحول لحب .. استغل المواقف لتطلع من وضعك وتكون منيح يوم حساس لازم تعرف كيف تحط نقاط على الحروف وتفتح قلبك للحب من جديد وتكون متفهم بالاخص المتزوج والمرتبط وتركز على كلامك وتصرفاتك ولوين رايح بعلاقاتك .. بتوقع انو في حب ناطرك او علاقة قديمة عم تتجدد او سرية عم تتطور ..
صحياً:مشاكل جنسية عم يعاني منها البعض ومغص وصحة حدا بالعيلة ..
❤غنيتك ❤اليوم:بعد الي صار .. شهد برمدا

الحوت ♓

مهنياً:شهرة وسمعة وشعبية وعاطفة وتواصل مع شخص مهم ومشهور .. بحاجة يومك لدبلوماسية ورواق وعندك شغل ومهام جديدة بشغلك وبالبيت ومع زملاء العمل يومك في اختبار لقدراتك او امتحان وشي بخص وظيفة ونقل وامر قضائي او ناطر شي مهم ممكن يحسن من وضعك المهني .. لا تستعجل بشي مع محيطك ولا تغيب عن دوامك اجواء اجتماعية ومال بيومك بس الي داخل شراكة انتبه من الموضوع ولا تغامر المسا انت افضل وفي سهرة وناس بتحبا ..
عاطفياً:قدامك فترة منيحة بتحملك ارتباط وتغييرات مستقبلية حلوة بلاخص الاعزب والمرتبط جديد .. الفلكي علي المتزوج والمرتبط روق هاليوم وحاول لا تصعد الخلافات وتجنب كل اشكال الغيرة وتملك بتوقع انو العلاقة مهددة حاول كتير تبتعد عن العصبية بشكل كبير مرق هاليوم على خير بس وحافظ على سمعتك من القيل والقال وكلام بحقك مو منيح .. والبعض في شخصية مهمة از مشهورة او صاحب مكانة او منصب عم يتقرب منك ..
صحياً:اضطرابات بجسمك ومشاكل هضمية وممكن زيارة لطبيب او مراجعة ..
❤غنيتك ❤اليوم:قالو سعيدة بحياتها…اليسا