افضل اماكن الفسحه والخروج في مصر

بواسطة Tapias Perez آخر تحديث سبتمبر 5, 2021

Getout Egypt
الصور دى انت هتعيشها بجد
يعنى صاحبك اللى عامل فيها ابو قلب جامد هاتوا معاك هنا وملكش دعوة

هتعرف تحل لغز البيت المسكون؟!
طب بص .. عشان تبقى فاهم خطورة الموضوع في تفاصيل لازم تعرفها

من اكتر من الف سنة كان في كتاب سحر اسمه “شمس المعارف” دا أخطر كتاب عن السحر 📖 و اختفى من العالم كله، و للاسف كان في دجال قعد يحاول يجمع منه طلاسم شعوذة لكن اللعنة صابته و السحر اتقلب عالساحر و “بناته الاربعة ” و من ساعتها بيته مسكون و محدش قادر يدخل بيته او يقرب منه

انت هتدخل البيت مع فريقك و قصادكم ساعة و نص بالظبط عشان تقدروا تحلوا الالغاز اللي فيه .. في الوقت دا هتشوفوا حاجات غريبة و تسمعوا اصوات مرعبة، اللي قلبه جامد بس هو اللي هيقدر يكمل و يحل الالغاز و يخرج بفريقه قبل نهاية الوقت

على فكرة الالغاز مش محتاجة اينشتاين عشان يحلها، بالعكس هي كلها محتاجة تتعاون مع فريقك و تحاول على اد ما تقدر تركز في الحل، و لو عطلت هتسمع نصايح و Hints تساعدك على حل اللغز و الخروج من البيت

كل دا بيحصل في Get out و دي فعلا اكتر Escape Rooms مرعبة في مصر .. و فيها Rooms تانية زي Annabelle و السجن الروماني و الحمام الملعون .. مغامرة جامدة جدا هتعرف بيها مستوى شجاعتك و درجة تركيزك تحت ضغط و الاهم من الذكاء إن يكون معاك فريق متعاون يقف في ضهرك و يسندك

نصيحة:
بجد ادخل الحمام قبل ما تبدأ ال Game لان level الرعب هناك عالي اوي “اوي اوي” يا إما تاخد معاك بنطلون ناشف احتياطي الخوف ملوش كبير

في الاول و الاخر دي لعبة، يعني خليك مطمن 100% إن محدش هيأذيك نهائياً .. بالعكس انت طول الوقت بيكون في فريق بيراقبك من الكاميرات عشان لو حسيت إنك مش قادر تكمل يخفوا من عليك شوية