خلى بالك
علشان تمضن لما تشترى شقة او عقار انو ميتنصبش عليك
لازم تجمع معلومات عن الشقة أو العقار الأول وهل فيه مشاكل ولا مفيش وهل فيه قضايا متداولة فى المحاكم بخصوصها او بخصوصه ولا لأ . وبعد كده لازم العقد يبقى شارح ووافى لكل الشروط المتفق عليها من خلال بنود سليمة غير متناقضة مع بعضها علشان حقك يفضل محفوظ .
وواجب عليك تبدأ فى نقل الملكية بالشكل القانونى المناسب على حسب استناد البايع او المتنازل للملكية من خلال اجراءات قانونية تضمن عدم تعرض الغير ليك مستقبلا .
وبالأخص فى الظروف الحالية من تكرار بيع نفس العقار لأكتر من مشترى او بيع ملك الغير وكمان سرعة انتقالك للملكية الجديدة الخاصة بيك والانتفاع بيها وحيازتها الظاهرة والتاكد من صلاحية العقار وعدم مخالفتة .
وطبعا ضيف لكل ده وجوب وجود شرط جزائى ملزم فى حالة الإخلال بالبنود وكمان تحديد نوع الإخلال اللى بيتحط على أساسه الشرط الجزائى وعدم تركه لتقدير المحكمة علشان تقديرها ميكونش اقل من اللى كنت مخططله كتعويض عن الضرر اللى حصلك ويكون العقد ملزم للمحكمة تحكم فيه بناء على رغبه المتعاقدين على كده
نحاول التبسيط قدر الامكان
التعليقات مغلقة.