دليلك الذكي في الساحل الشمالي ….
بص بقي يا سيدي ،لو نويت تصيف في الساحل لازم تعرف حدودك كويس و تحدد ميزانيتك حسب مكانك قبل او بعد خط مارينا ٥ لأن ده بيفرق كتير جدا في كل حاجة ،
بداية من الأسماء هتلاحظ انك لو الضفة الشرقية اللي بتبدأ من العجمي او كرير فإنت
كدة مش في الساحل أصلا ولا من حقك
تنطق الكلمة دي لانك مرتبط بإسم القرية اللي قاعد فيها واللي غالبا مرتبطة بنقابة معينة او هيئة تدريس جامعة اقليمية و طبعا ا.دسوقي مدير شؤون العاملين اختار لها اسم كئيب زي
قرية السراب كنوع من الواقعية او قرية
المروة او الهيثم علي اسم ولاده واول فرحته، القري دي غالبا فيها دفء عائلي وبيطبخوا كل يوم عادي وسكانها معظمهم
عارفين بعض ،خروجاتهم اغلبها بغرض الأكل و البوركيني فيها مكتسح والترفيه مرتبط
غالبا بلقمة القاضي و نص محلات فطير الكرة
الأرضية تقريبا ،ركوب العجل فيها منتشر ومطاعمها بتهتم بنوع الأكل بغض النظر عن طريقة تقديمه يعني مش هتلاقي سوشي و
حركات عشان اهلها مفتحين و بيفضلوا
الكباب والكفتة والعيش البلدي، مفيش سهرات ماجنة ولا حفلات مولعة و صلاة
الجمعة فيها هي الحدث الأهم طول الأسبوع و بعدها كله
بيهجم عالبحر و أقصي انحراف فيها قعدة
الكافيهات ولو عايز تختار عروسة بنت حلال وتعمر معاك خليك في الجزء ده من الساحل ،
أما بقي لو عديت حدود مارينا ٥ فإنت كدة في بلد تانية خالص ولها قوانين و قواعد مختلفة تماما ،
مبدئيا من حقك تقول انك طالع ساحل من غير أ و ل
و حاجات كتير او اسمها بيتغير ،يعني
الشبشب الزيكو اسمه سليبر والكوتشي اسمه سنيكر والبونيه اسمه تيربون والمكنة اسمها بيتش باجي والقهوة الفرنساوي اسمها كورتادو و زيت الشمس فيه منه ٣٥٠ نوع تاني وبلوك و كاروت و هاويان و تروبيكال وأسعاره بتبدأ من ٧٠٠جنيه ولا كأنه زيت كبد الحوت،
الجرجير اللي كان قدامك في مراقيا بجنيه الحزمة و بتحرق منه فدان في السلطة
البلدي ، هايبقي اسمه روكا و بيحطوه عالبيتزا أم ٢٥٠ جنيه في البيتزاريا اللي هو فطاطري الأغنياء ولا مؤاخذة،
حتي صوابع زينب بقي اسمها ريتشولز وتقريبا جابوا صوابع يارا او لارا عشان زينب مش قد المقام،
المطاعم هنا بتقدملك اي حاجة في رغيف ب١٠٠٠جنيه وبتاكلها و انت ساكت بس المهم
المطعم يكون اسمه غريب سوشي موشي او برجر لاتو او زمبليطة، والأكلة نفسها لازم
برضو اسمها يكون غريب يعني البوفتيك اسمه ميلا
التعليقات مغلقة.