قاعدة ” الموت 3 “
إيه هي القاعده وإيه علاقتها بموت الإنسان؟
في حقيقه علمية بتقول إن الإنسان بيموت بالبطيء في الحالات الأتيه 3 دقايق، 3 أيام، 3 أسابيع، 3 شهور.
- الموت بيبدأ يحصل للإنسان لو توقف عن التنفس لمدة 3 دقايق، ولو عدي الأنسان العادي 3 دقايق من غير تنفس بيبدأ الجسم الإستعداد للموت والغلق الكامل لكل الأجهزه لعدم وجود الأكسجين الكافي وتبدأ خلايا المخ في التوقف لأن أقصي مدة للعيش بدون تنفس هو 3 دقايق، دي أقصي مده يقدر الإنسان يتحملها من غير أوكسجين.
- الموت بيبدأ يحصل للإنسان لو توقف عن شرب الماء لمدة 3 أيام، وبعدها يبدأ الجسم في مرحلة صعبه من الألم لعدم وجود الماء ويبدأ المخ في التوقف البطئ وتبدأ الخلايا في الضمور، لعدم وجود الماء الكافي للحياة وتشغيل الأجهزه لأن أقصي مده للعيش بدون شرب ماء هو 3 أيام، دي أقصي مده يقدر الإنسان يتحملها من غير شرب ماء.
- الموت بيبدأ يحصل للأنسان لو توقف عن الأكل لمدة 3 أسابيع ويبدأ الجسم في التغذي علي نفسه ويبدأ المخ في مرحلة الهلوسة والتهيؤات والألم والموت البطئ بدون أكل لمدة أقصاها 3 أسابيع لأن دي أقصي مده يقدر الإنسان يتحملها من غير أكل.
- الموت بيبدأ يحصل للإنسان لو توقف عن التفكير أو التطوير لمدة 3 شهور وبتبدأ خلايا المخ في الضمور والإحساس بالعزلة والإكتئاب والإنتقاد لكل المحيطين وممكن يزداد الأمر سوءا ويبدأ الإنسان يتجنب الناجحين أو يتجنب سماع أخبارهم ويكون لدية شعور بأنهم محظوظين ويبدأ المخ في مرحلة الإغلاق والعند لأن أقصي مده للحياه بدون معلومه جديده أو تطوير هو 3 شهور، دي أقصي مده يقدر الإنسان يتحملها من غير معلومة جديده.
الموت في الحالة دي مش شرط يكون موت كامل ولكن في أشخاص كتير عايشين بس ميتين، عايشين علي الهامش، عايشين رد فعل مش فعل، عايشين مفعول به مش فاعل.
الموت ممكن يكون موت جزئي أو مؤقت وياما في أشخاص وسطنا عايشين بجسمهم بس ميتين بفكرهم ومابقاش عندهم جديد يعملوه أو ينفذوه لأنهم خلصوا كل المخزون اللي عندهم من المعلومات ومحاولوش يزودوا أو يكتسبوا معلومات جديده علشان كده بتلاقي الأجانب دايما بيقروا كتب كتير وبيتعلموا كتير علشان كده هما اللي بيتحكموا في العالم وبيخترعوا كل شئ.
أنت ممكن تتنفس لما تحس إنك محتاج علشان تقدر تكمل في الحياه وممكن تشرب لما تحس بالعطش وبالتالي هاتلحق نفسك وتلحق حياتك وأكيد هاتاكل لما تحس بالجوع وهاتعرف تكمل حياتك.
لكن أنت مش واخد بالك إن عقلك بيموت بالبطئ وأول ناس بياخدوا بالهم إنك بتموت بالبطئ هما أقرب الناس ليك لما يلاقوك بتكرر نفسك كلامك وبتتكلم دايما عن نفس الموضوعات وفي الغالب بيحسوا إنك قليل الحيله بس أنت الوحيد اللي بتبقي مش شايف كده بل بالعكس بتحاول تبرر وتجادل
الوقت بيعدي وأنت محتاج تلحق عقلك قبل ما يدخل مرحلة الموت البطئ لأنك لو فضلت أكتر من 3 شهور من غير ما تتعلم حاجه جديدة أو تدرس حاجه جديده أو تدخل في تحدي جديد هايفضل مخك بنفس حجمه المعلوماتي وبعد كده يبدأ مرحلة الضمور.
إتعلم وإدرس
واقرأ وصلي وقم بعباداتك لتحفظ عقلك وقلبك
التعليقات مغلقة.