6شركات وقعوا على إتفاقية لإنهاء تصنيع محركات الإحتراق الداخلي بحلول 2040 ومن ساعتها ومحدش سايب حد في حاله

في الأسبوع اللي فات، في 6 شركات وقعوا على إتفاقية لإنهاء تصنيع محركات الإحتراق الداخلي بحلول 2040 ومن ساعتها ومحدش سايب حد في حاله

الست شركات دول هما (فورد – چينرال موتورز – مرسيدس – ڤولڤو – BYD – وچاجوار لاندروڤر) .. وطبعاً مُلاحَظ غياب ڨولكس واجن وتويوتا اللي يعتبروا من أكبر المصنعين حالياً

وفي الواقع بقا إن ولا اللي مضوا الإتفاقية ساكتين ولا اللي ممضوش سايبينهم في حالهم
فعلى الرغم من إن ڨولڤو مثلاً ماضية على الإتفاقية، إلا إنها طلعت الدراسة اللي نشرناها إمبارح اللي بتقول إن تصنيع العربيات الكهربائيه لازال مضر للبيئة بفارق كبير عن مثيلاتها ذات مواتير الإحتراق الداخلي طب طالما هي كده مضيتوا ليه

أما تويوتا بقا فطلعت ببيان بتوضح فيه أسبابها، واللي بتقول فيه إن في أماكن كتير لازالت البنية التحتية فيها غير مستعدة لإستقبال العربيات الكهربا ولا حتى في إستعداد للإعتماد عليها
صحيح تويوتا بتقول إن رفضها مش معناه إستحالة التحول لكهربا بالكامل في 2040 ولكن هما عايزين ياخدوا وقتهم أحسن ما يكونوا ملزمين بتاريخ محدد بغض النظر عن حالة السوق وقتها ✅

تفتكر كلام تويوتا مقنع فعلاً؟ ولا التحول في 2040 مش هيحصل إلا لما كله يلتزم بيه؟