السفر عبر الزمن .. ببساطة

.
الفكرة في السفر عبر الزمن انك تركب مركبة تمشي بسرعة مقاربة لسرعة الضوء .. او مساوية لسرعة الضوء او اكبر من سرعة الضوء .. تعالى نشوف كل حالة هناخد منها ايه ..
.
1- تمشي بسرعة مقاربة لسرعة الضوء :
في حالة انك بتتحرك بسرعة اقل من سرعة الضوء بفسوة .. الزمن هيتضاغط بشكل كبير .. فلو ساعتك اتحركت 10 ثواني ممكن بعدها توقف مركبتك وتركنها فى اقرب جراج هتلاقي نفسك فى سنة 3021 .. وبكدا تكون سافرت للمستقبل.
.
2- تمشي بسرعة مساوية لسرعة الضوء :
في الحالة دى الزمن هيقف بيك .. فى الحالة الاولي قولنا مثلا ان العشر ثواني على ساعتك = ألف سنة على الارض .. هنا ثانية واحدة على ساعتك هتساوي عدد لا نهائي من السنين على الارض.
.
3- تمشي بسرعة تتجاوز سرعة الضوء :
في الحالة دى الزمن هيتضاغط بالسالب .. بمعني انك هترجع لورا .. يعني ممكن تعد 10 ثواني على ساعتك .. تنزل بالمركبة تركن فى كهف من العصر الحجري .. او ممكن تنزل من 1455 سنة فى مكة وتحارب كفار قريش بطبنجة حلوان ..
.
طيب هل دا ممكن ؟!
السيناريو الاول ممكن نظريا .. لكن لسة موصلناش للتقنية اللى تأهلنا اننا نسافر بقارق ( فسوة ) عن سرعة الضوء اللى هى 300 ألف كم فى ((الثانية)) .. اسرع مركبة مأهولة صنعناها سرعتها لم تتجاوز 40 الف كم فى (( الساعة )) وقدرنا نوصل لخمس اضعاف السرعة دى لمركبة غير مأهولة بالبشر .
.
السيناريو التاني والتالت ( وفقا لقوانين الفيزياء الحالية ) مستحيل لان كتلتك هتوصل لمالانهاية بمجرد وصولك لسرعة الضوء..