٣ اسباب تجعلك تاكل بروتين كتير

٣ اسباب تجعلك تاكل بروتين كتير

لما بتسمع الاطباء بتقول انك اصلا ماتعرفش تاكل بروتين كتير، لو ده بنسبالك كلام مش منطقي، ولو بتعرف عادي تاكل بروتين بكميات، دي الاسباب:

١- انك بتاكل بروتين ودهون، لما بنقول بروتين بيكون قصدنا علي البروتين الصافي زي صدور الفراخ والتونة والجبنة القريش.
فلو بتاكل ٥ كيلو لحمة، السبب هي دي اكلة بروتين ودهون والدهون هي اللي مسهلة اكل البروتين.

٢- ان وزنك كبير.
احنا اصلا بنحسب احتياج الجسم للبروتين من الوزن، بغض النظر عن الدهون والعضلات، كل ما الوزن زاد، كل ما احتياجك للبروتين بقي اكتر.

٣- انك leptin resistant.
تقريبا استحالة يكون وزنك كبير ومعندكش مقاومة الleptin.
Leptin هو هرمون مسؤول عن الشبع.
لو انت من الناس اللي بتقول انا باكل ومابشبعش، او انا ممكن اكل حتي وانا شبعان، يبقي عندك leptin resistance وده هايخليك تاكل من اي اكل كميات، حتي البروتين.
الحل؟ الleptin هرمون تابع للانسولين وبعلاج مقاومة الانسولين مقاومة الleptin بتتعالج.