حادث مأساوي بمدينة 15 مايو
بنتين صغيرين وقعو من الدور السادس وامهم رمت نفسها وراهم بمجاورة 35

انا لله وان اليه راجعون .. البنت عمرها ٧ سنين شيله اختها عمرها ٧ شهور وقعت من ايدها وهيا واقفه فالبلكونه بيها راحت البيت الكبيره قفذت ورا اختها ع اساس تنقذها . ..راحت الام من غير تفكير نطت وراهم ….ولله ما اعطي ولله ما خذ …الحادث اثناء صلاه الجمعه والاب كان فالمسجد والخطيب قطع الخطبه وقال عن الحادث الاب خرج جري يشوف مين مع الناس لاقى بناته وزوجته علي الارض …فقد النطق
لا حول ولا قوة الا بالله

العثور على 3 جثث لأم ونجلتيها في الشارع بمدينة 15 مايو
اسره مكونه من اربع أفراد ام واب وطفلتين 5سنين وسنتين تقريبا
زى أى أسره صاحيين ومبسوطين بيوم الاجازه وكانو الاب والام بيجهزو عشان يصلو صلاه الجمعه
وكان البنتين بيلعبو فى البيت واليوم كان طبيعى وجميل وبدون اى مقدمات تبدا الجمعه الحزينه
البنتين يطلعو يقعدوا على شباك الشقه بتاعتهم اللى فى الدور السادس وكانو الاب والام مش واخدين بالهم وفى أقل من الثانيه يختل توازن البنتين ويقعو من الدور السادس قدام العماره
وكانت الأرض خرسانيه وتنزل أجسادهم على الأرض وسط بحر من الدم وأرواحهم فى السماء عند ربهم
ولما الام شفتهم وهما بيقعو كان تفكير الام اللى حير كل الناس بمعنى كلمه ام أنها بصت من الشباك لقيتهم جثث
وبدون تفكير وبسرعه رمت نفسها وراهم
لتجتمع بجثث بناتها على الأرض
ولما وقعت مكنش على لسانها غير كلمه عيالى عيالى وبعد كده روحها تطلع عند ربها مع بناتها وعن احساس الاب لما نزل جرى عشان يشوفهم ويلاقيهم جثث من غير روح
وعن اخر مشهد يقطع القلب الاب يرفع الغطاء عن بنته ويفضل يبوس فيها وهى ميته وعمال ينادى عليها (يابنتى)
وانتهت حياه الام وبناتها واتكسر الاب وضاعت اسره بالكامل فى دقايق
ربنا يرحمهم كلهم ويصبر قلب الاب