عندما يكون الواقع أغرب من الخيال..
عبير عادل عروسة القليوبية يوم حنتها كانت بترقص فرحانة.
اليوم الحنة وغدا الزفاف والكل يبارك ويهنى.. جالها اتصال من رقم غريب تركت الحنة وانصرفت سريعا..
العروسة اتاخرت ابتدوا يقلقوا عليها.. ذهب الاهل والجيران والاصدقاء للبحث عنها.. وجدوها مقتولة ومرمية فى الزراعات..
الاهل اصيبوا بالفزع واتصلوا بالشرطة والعريس اغمى عليه من الخبر وقعد يبكى ويندب حظه.. كل شئ جاهز للزواج..
تم دفن العروس والعريس بكا وهو يحمل نعشها والكل اشفق عليه.. كان المفروض فرحه اليوم وبدال ما ياخد عروسته لشقة الزوجية واداها المقابر… وطبعا اتعمل عزاء كبير والعريس هو اللى كان بياخد العزاء قبل أهلها .والشرطة اشتغلت ..تحريات وتتبع تليفونات.. ووصلوا للرقم اللى كلم العروسة والغريب ان العريس هو اللى اتصل بيها قالها عاوزك ضرورى فى المكان الفلاني ولما راحت زى المجنونة تعرف ايه الموضوع.. كان فى انتظارها بالسكين وغرزه فى قلبها…
وأدلي المتهم بقتل عروس بقليوب باعترافات تفصيلية أمام جهات التحقيق، مؤكدا في أنه قتل عروسه قبل 48 ساعة من زفافهما رسميا وبعد عقد قرانهما بـ4 أيام فقط، مشيرا إلى أن العروسة القتيلة ابنه عمته وأنه عقد قرانه عليها قبل الحادث ب4 أيام دون رغبته، إرضاء لوالديه لارتباطه عاطفيا بفتاة أخرى.
وأضاف المتهم في اعترافاته، أنه استدرج العروس بعد مكالمة تليفون، وطلب مقابلته بجوار منزلها خلال وقت الحنة الخاصة بها وتعدي عليها بعدة طعنات وجرح ذبحي، وتركها وهرب وسرق تليفونها المحمول، وبعدما تبين غيابها شارك في البحث عنها مع ذويها ولما عثروا عليها نقلها للمستشفى لإنقاذها متظاهرا بأنه لايعلم شيئا عن الواقعة، حتي يبعد الشك عن نفسه، إلى أن وقع في قبضة رجال المباحث…
قتلها وهى ملهاش اى ذنب.. فقط لانه بيحب واحدة تانية
قتلها وهى لم تؤذى اى انسان.. وقتل فرحتها.. وحرم أهلها منها..
كان ممكن تسترجل وتقول ل اهلك انك مش عايز تتجوز لكنك اخترت #طريق_الشيطان
وهي بأه الله يرحمها ويكفينا شر الخونه والخيانة
التعليقات مغلقة.