لو المجتمع فيه ١٠ بنات و ١٠ شباب..
والطبيعي ان مستوي البنات المادي زي الشباب..
.
ال ١٠ بنات حلفوا علي مصحف ما هيتجوزوا غير شباب اغنياء يجيبولهم كيلو دهب شبكة..
.
ايه هيحصل؟
٢ بس من البنات اللي هيتجوزوا.. لان ٢ بس من الشباب اللي معاهم فلوس..
طب والباقي؟ هيتركنوا علي الرف سواء شباب او بنات..
.
سنة ورا سنة ورا سنة.. هتزيد حاجة الشباب والبنات للجواز.. وهيدركوا اكتر انه زي الاكل والشرب.. وغصب عنهم اللي مكانوش موافقين بيه قبل كدا هيبوسوا ايديهم وش وضهر لو اخدوا اقل منه..
.
وكل ما تزيد الازمة و عدد المركونين علي الرف يزيد.. كل ما نقرب اكتر من الانفراجة..
واهمة اللي متخيلة التشدد في طلبات الزواج هيحافظ عليها لانه – حسب كلامها – اخدها بالغالي .. فمش هيفرط فيها بالرخيص ..
.
واهمة لانها لو حتي افترضنا صحة كلامها .. وان اللي بيدفعوا كتير مبيطلقوش بسهولة .. فدا معناه انهم باقيين على اللي دفعوه وخايفين يخسروه .. لا باقيين على الزوجة ولا خايفين يخسروها .. ولو تنازلت عن كل مستحقاتها القانونية هيهربوا ويشوفوا واحدة تانية ..
.
اما الحقيقة فمش كدا .. معظم البنات والاهالي دي بالنسبالهم مجرد حجة بيذوقوا بيها كلامهم علشان ميبانوش ماديين وعايزين عرسان اثرياء .. مع انه مش عيب اصلا بس الثراء ييجي بعد الدين والاخلاق والاهل ..
المهم يا سيدي .. ده تركي الشيخ طال عمره بصوت التراس اهلاوي ..
اتجوز اللي قادرة ع التحدي ( امال ماهر ) و دفعلها مهر بالملايين وعيشها عيشة ملوك .. والنتيجة ايه ؟! كلنا عارفين
التعليقات مغلقة.