كلامي انهارده مفهوش وجبات
لاكن كلام مهم
لما بنلتزم بالصيام بنتعود علي الإلتزام وشويه شويه مخنا بيتبرمج من جديد بإن غريزة الأكل لا يمكن أن تمارس بطريقه فوضويه وإن الأكل لازم يكون بمواعيد.
فلذلك هتشعر بتغيير ملحوظ في اسلوب حياتك وتحس بالذنب لما تاكل أكل غير صحي وتعود نفسك إنك لو عكيت في يوم وده شئ وارد جدا وكلنا بنعمل كده دون مزايدات إنت وشطارتك بقي تعاقب نفسك إزاي لكن بطريقة العتاب وليس جلد الذات علشان تطاوعك وتستمر معاك من غير تمرد أثناء رحلة التغيير
شوف بقي تصوم ساعتين تلاثه اربعه زياده عن نظامك سواء ١٦ او ١٨ أو ٢٠ أو omad اللي هوه الوجبه الواحده في اليوم علي قد ما تقدر
أو تمنع النشويات يومين تلاته
تمنع الفاكهه يومين تلاثه
شوف اللي يناسلك واعمله من غير جلد الذات الله يرضى عنك
خليك فاهم إنك بتروض نفسك علي حاجه ضد المفاهيم المتعارف عليها فالموضوع صعب جدا ولا تهواه النفس فلازم تكون لين وفي نفس الوقت حازم وتبعد عن أي تأثيرات خارجيه ممكن تشدك للخلف قاوم بكل ما تملك علشان تنجح وتوصل للتغيير.
ليه نسمح لأي شئ محبط في حياتنا إنه يسيطر على مشاعرنا حتى لو كان أمر لا يستهان به.
كل صعب في حياتك ليه حلول لكن إنت بتعلي سقف طموحك للحلول وعايز حلول سريعة.
الحلول السريعة لا تفيد في ترتيب الحياة فالحياة رحلة طويلة وتحتاج إلى صبر وثقة في الله علشان تنعم بحالة من الرضا تلهمك الثقة في النفس اللي هتنظم تعاملاتك في كل الأمور لإنك هتبقى حاسس ولامس إنك عايش في معية الله
التعليقات مغلقة.