هتيجي اسكندرية هتلاقي بياعين بيلفوا بسمك عالشط ويقول لك دا سمك قاروص ب120 .. لو معاك الحاجة هتطحن امه فصال لحد ما تنزل ل 50 جنيه وهتاخد 5 كيلو ب 250.. ماهو سعر لقطة..
.
السمكة دي اسمها سيلفر .. الكيلو ب 5 جنيه ولو زاد اوي بيبقي ب 10 ..
ومن كتر شوكها القطط نفسها بترفض تاكلها .. ملهاش حل غير الرمي ..
.
سمكة القاروص سعرها متوسط 160 للكيلو .. لو ملكش في سمك اسكندرية مش هتعرف تفرقهم .. بس هقولك فرق بسيط .. القاروص له زعنفتين علي ضهره والسيلفر واحدة بس..
.
نفس الكلام مع الجمبري .. متشتريش غير جمبري ازاز .. بيبقي مخطط لون ولون .. ودا غالبا مش هتلاقيه مع الجائلين .. اللي هتلاقيه معاهم جمبرى مجمد مفكوك او مزارع ومصبوغين لون برتقالي ..
وهيبيعوهم ليك علي انهم جمبري بلدي .. ولما تروح بيهم هتلاقي غالبا فيهم خضار من جوة الراس .. هتفرح زطوتقول بطروخ .. بس الحقيقة دا عفن ..
.
البربوني غالبا مش بلدي .. ياعنبر بحر احمر ودا اسوأ انواع البربون .. يا بربون مستورد تعبان..
.
بص .. زهقت من الكتابة ومش مكمل .. متشتريش من متجولين وخلاص ..
.
التعليقات مغلقة.