ليه ممكن يحصل امساك مع الكيتو؟
اولا مفيش سبب واضح للعرض ده خالص وهو مش بيحصل لكل الناس، بس بيحصل لنسبة من الناس للاسباب دي:
١- تغيير جذري في عاداتك.
لو بيجيلك امساك مع اي نظام دايت جديد او بيجيلك امساك لما تسافر او لما تعزل، ده بيكون من تغيير العادات، فيه ناس اي تغيير جذري في عاداتها بيجيبلها امساك.
الحل:
الصبر، مجرد شوية وقت وجسمك هايتعود علي النظام.
٢- بتاكل خضار كتير.
اه الالياف كتير وخصوصا التقيلة زي الورقيات والبروكلي والقرنبيط ممكن تسبب امساك، خصوصا للناس اللي عندها استعداد يجيلها امساك.
لو من ساعة ما بدأت كيتو زودت في كميتهم جدا، يبقي ده ممكن جدا يكون السبب.
الحل:
قلل الكمية وغير نوع الخضار.
في خضراوات مش بتعمل التأثير ده خالص زي البامية والافوكادو (هو يعتبر فاكهة بس مش موضوعنا).
٣- لو مش حاسس ان عندك امساك ولا حاسس انك مش مرتاح بس بتدخل الحمام عدد مرات اقل، ده مش امساك.
طبيعي جدا لما بتاكل اكل طبيعي ونضيف، بتحتاج تدخل الحمام اقل من لو اكلك كله معجنات ومقليات، ففي
الحالة دي هو مش امساك اصلا.
فيديو الامساك مع الكيتو:
التعليقات مغلقة.