ليه كلنا زعلنا على خبر وفاة الفنان الجميل هشام سليم وخصوصا الجيل بتاعنا
لان هشام سليم ببساطه بيمثل جزء من حياتك السابقه ..
الحياه دي كانت جميله وراقيه وتمتاز بالفن والموهبه وخاليه من الفلحنه والسرسجه
جزء من حياتك كنت شاب صغير مفعم بالحياه بدون مسئوليات بدون مشاكل
اوضاعك الماديه مستقره وبتقدر تبسط نفسك بأقل التكاليف
هشام سليم كان نموذج للشاب المصري الوسيم ابن الاصول الجذاب
اللي تتمنى يكون صديقك وبتشوف نفسك فيه وتتمنى تبقا زيه
شيك كاريزما غير مبتذل طلته تفرحك
لما كان بيعمل اعلانات شيبسي كنت بتحس بالسعاده لانها كانت مرتبطه بالصيف والمصيف والبحر والسفر مع الاهل والاصحاب
مكنتش بتشوف سرسجيه حتى البسطاء كانو متعففين بدون احقاد سوداويه
هشام سليم هو اجمل فتره في حياتك وجزء من ذكرياتك وحاله شبابيه لجيل استمتع بحياته في فترة التسعينات
هشام سليم كان بيمثل رواد الساحل والعجمي والمعموره ومارينا ومراقيا زمان
بموته بتحس ان جزء منك مات
رحمة الله عليه واسكنه فسيح جناته
التعليقات مغلقة.