ليه بنشرب قهوه ساده في العزا
ومنين جت بدايه القهوه في مصر
في زمن العثمانين واواخر عصر المماليك ظهر مشروب جديد في مصر وبدايته كانت في قسم الطلبه المغتربين من اليمن في الازهر الشريف ،
اللي بدأوا يشربوا مشروب غريب ولونه اسود وريحته مش معتاده ،
ولما ظهر تفوقهم الدراسي بدأ الناس تشك ان السبب هو المشروب ده اللي بيخليهم يسهروا ويزودوا عدد ساعات الدراسه ،
وبدأ زمايلهم بالسؤال أيه ده ؟
قاللهم ده مشروب بيساعدني علي التركيز والسهر وزياده الأستيعاب والمهم بقي انها مبتذهبش العقل
ومن هنا بدأت القهوه تنتشر وفتحولها محلات مخصصه ليها اللي هي المقاهي ومن هنا كمان جت تسميه البن بالقهوه
وفجأه طلع المفتي وقتها يحرم القهوه وشاربها وحاملها وساقيها وانها تتعامل معامله الخمور ، وبدأ الشعب ينقسم اتنين جزء مع وجزء ضد ،
وبدأ اللي ضد بتكسير المقاهي والمحلات للبن ،
لكن اللي مع القهوه بدأوا يعملوا تظاهرات ويجمعوا نفسهم مطالبين بإلغاء القرار وطبعا الحكومه بدأت بالضرب فيهم ومات منهم عدد من الشباب ،
وأثناء العزاء بدأوا بشرب القهوه ساده كنوع من الحداد وتذوق المرار علي من توفوا ،
من هنا بدأ تقليد شرب القهوه في العزاء ، في نفس التوقيت ده اصدر حاكم مصر قرار بعزل مفتي الديار وتعين آخر الذي اصدر فتوه بأنها غير محرمه وبدأت الانتشار من تاني.
التعليقات مغلقة.