ليه العفاريت والسحر موجود عندنا بس ومش موجودين في ألمانيا مثلا ؟

احتراما لوقتك المقال هياخد منك دقيقتين

.
ابتداءا .. اي حد بيطرح السؤال دا فهو مسافرش المانيا .. ولا يعرف اي حاجة عن المجتمع الالماني .. لإن المجتمع الألماني تحديدا اكتر مجتمع في اوروبا كلها عنده هوس بالحاجات دي .. خلينا نشوف ..
.
.
ابتداءا خلينا نقول ان ألمانيا فيها جماعات بتمارس السحر لحد النهاردة .. لو اتكلمنا عن جماعات حديثة النشأة علشان محدش يقول دا جهل القرون الوسطى .. فممكن نتكلم عن ((جيدو فون)) ..
دا راجل مات من 100 سنة بس .. ساحر .. بكل وضوح .. واسس جماعة بتمارس طقوس هدفها احياء الديانات الجيرمانية القديمة .. واهم ما يميز عقيدته هي (( الباطنية )) .. واسس الباطنية زي الحلول والاتحاد .. هي نفسها عقائد (العبيديين) الفاطميين الكـ.ـفرة اللى حكموا مصر زمان ..

والقرامطة اللى سرقوا الحجر الاسود وقرمط كبيرهم قال انا الله والله انا ولحد النهاردة محدش عارف مكان الحجر الاسود فيه ومرجعش منه غير كام حصوة موجودين في كورنر الكعبة ..

.
هسيبلك اسمه وانت تقرأ عنه اكتر علشان المقال ميطولش Guido von List.. وفيه سحرة كتير غيره زي Jörg Lanz von Liebenfels ..

.
Nicholas Goodrick Clarke
مؤرخ بريطاني لسة ميت من 11 سنة .. سنة 1985 عمل كتاب رائع اسمه The Occult Roots of Nazism

دكتور نيكولاس مكنش مجرد مؤرخ .. دا كان مؤرخ متخصص في العقائد الباطنية .. و كتابه دا كان ملخص واستقراء لعشرات الكتب اللي اتكلمت عن علاقة النـ!زية بالسحر .. وان هتـ.ـ!ـر كانت بيسيطر عليه شيطان .. ملبوس يعني .. برضو كتبتلك اسم المؤلف والكتاب علشان تراجع كتابه وعشرات الكتب اللى تناولها وتعرف ان ثقافة الجن والعفاريت والمس والسحر متأصلة في المجتمع الألماني عادي جدا ..

.
.
Anna Elisabeth
بنت ألمانية مسيحية متدينة .. قصتها – وفقا للالمان – انها اتلبست من 7 شيـ!طين منهم أبـ!ـيس .. الحكاية طويلة اوي حكيتها من عشر سنين تقريبا فممكن ترجع للبوست القديم او تبحث عن الاسم علشان المقال دا ميطولش ..

الخلاصة انها في الاخر ماتت بعد جلسات كتيرة جدا لطردهم في الكنيسة وفي بيتها .. وقبرها (( لحد النهاردة )) مزار لمسيحيي ألمانيا لإنهم اعتبروها قديسة وشهيدة وكدا ..
.
.

The Witch of Hinterkaifeck
محدش يعرف اسمها .. كل المعروف عنها انها ساحرة ليها قصة كبيرة في الغابة المظلمة في جنوب غرب ألمانيا .. هكون امين معاك .. انا مش مصدق انها ساحرة .. بس الفكرة ان السحر متجذر في الثقافة الالمانية .. ودي حكايتها من 100 سنة بس ..
.

The Watcher of Schonach
سنة 1990 هلع سكان بلدية شوناتش وفضلوا لفترة طويلة بيحكوا حد حد بيشوفوه دايما بيراقبهم من بعيد ولما يقربوا منه بيكتشفوا انه مش بشر .. دي كانت شكوى جماعية مش فردية ..
.
.
.

كل دي واكتر حكاوي من ألمانيا .. تعرفك انهم متأثرين بالسحر والشعوذة والجن زيهم زينا واكتر .. على الاقل احنا معانا اللى يطمننا ( القرآن ) .. هناك لأ ..

خاصة بعد حادث اناليس ميشيل ورجال الدين المسيحيين هناك بقوا يمارسوا ( طقوس طرد الارواح ) في الخفاء .. لان المحكمة حكمت على القساوسة اللى حبسوها في اوضة في الكنيسة واجروا عليها الطقوس بالسجن ..
.
.

مرة اخيرة بقولك .. المقال مليان اسماء كتب وكلمات مفتاحية بالانجليزية علشان لو حابب توصل لمعلومات اكتر من مصادرها .. وفي السكة ممكن تقرأ عن Ariosophy ..
الصورة للساحر