لو بتاكل من المكسرات بشراهة، في كذا حاجة لازم تعرفها.
اولا انك مش لوحدك، معظم الناس بتاكل منها بشراهة، ليه؟
عشان فيها دهون ونشويات عالية في نفس الوقت.
اي حاجة فيها دهن علي نشا علي بعض ممكن ناكل منها بشراهة ومن غير ما نحس.
المكسرات واللبن، الاكلتين الوحيدتين في الطبيعة اللي فيها نشا ودهن علي بعض، وعشان كده من اكتر الاكلات اللي ناس كتير بتاكل منها بشراهة وبتتعلق بيها عاطفيا.
ثاني حاجة لازم نعرفها عن المكسرات، انها ممكن تتخنك، مش بس تمنعك تخس، رغم انها keto friendly عادي،
المكسرات هي تقريبا الاكلة الوحيدة الكيتو اللي ممكن تتخن وبسهولة جدا.
ازاي ناكل مكسرات ومانتخنش؟ او نخس؟
١- ابعد عن النوع اللي انت عارف انك لو اتفتحت فيه هاتخلص الكيلو.
٢- خدها بعد الاكل، تكون شبعت، ده بيقلل احتمالية الاكل منها بشراهة.
٣- portion control
ماينفعش احط قدامي كيس كيلو واقول هاخد كبشة بس، الصح اني اجيب كبشة واحدة وخلاص، عشان اضمن اني مش هاكل اكتر.
دي مش من الحاجات اللي سهل تاكل منها باعتدال.
التعليقات مغلقة.