لما تشوف صور قبل وبعد قصة نجاح في التخسيس او في العضلات مش الهدف من الصور دي اننا نقارن نفسنا بيها

لما تشوف صور قبل وبعد، قصة نجاح في التخسيس او في العضلات، مش الهدف من الصور دي اننا نقارن نفسنا بيها،
مش الهدف خالص اننا نعمل منها استنتاج ان لو ماوصلتش لنفس النتيجة في نفس الوقت زي الشخص ده يبقي انا بعمل حاجة غلط، او يبقي عمري ما هاوصل.

في الحالة دي النوع ده من التشجيع هايسبب نتيجة عكسية، هايسبب احباط، ناتج عن مقارنة برحلة حد تاني.

قصص النجاح في اي حاجة هدفها الاساسي اننا نشوف ان في حد كان في يوم زينا، ووصل لحلمه، يبقي احنا كمان ممكن نوصل.
مش اننا نقارن نفسنا بيه او نتخيل ان قصة نجاحه هي الstandard، اللي لو خرجنا عنه نشك في نفسنا.