خيري رمضان بيقول لمحمد صبحي عمر ولادك زعلوك سواء لما كانت ولدتهم عايشه أو بعد ماتوفيت

خيري رمضان بيقول لمحمد صبحي عمر ولادك زعلوك سواء لما كانت ولدتهم عايشه أو بعد ماتوفيت
قاله بنتي وراح محمد صبحي معيط ،، بعد وفاة ولدتها كل يوم تشوفني قاعد نفس القعده ف البلكونه زي ما كنت بقعد مع ولدتها الله يرحمها وعامل فنجانين قهوه وحاطط صورتها جنبي وبقعد اكلمها.
ف لقيت بنتي جايه ف يوم وبتقولي وهي حزينه يا بابا لو عايز تتجوز اتجوز وتلاقي حد يإنس وحدتك احنا موافقين . انا مابكتش يوم وفاه زوجتي زي مابكيت اليوم ده لقيت نفسي بنهار من البكا وبقولها تفتكري الست دي ف مخلوق ف العالم يقدر يغنيني عنها او حتي يخليني انساها لا ده انا ممكن اكرهكم انتو لانكم عايزين تنسوهالي .. ازااااي يرخصوها كدا ومتخيلين ان بسهوله ممكن اي حد يملا قلبي وعقلي مكانها ده مستحيل. ده انا كل يوم الفجر بدعي ان ربنا يجمعني بيها بقي وحشتني
لقيت بنتي بتبوس ايدي وراسي وحطت رآسها ع رجلي وفضلت تبكي وقالتلي يا بابا انا امي كانت وهتفضل محظوظة بيك لانها اخدت راجل حبها بجد
عارف يا خيري انا سامحت بنتي بس وجعني اوي انهم عايزين يخدو ذكراها من حضني لا انا مرتاح كدا
انا حاسس انها مسافره وانا مستني رحلتي عشان اروحلها
خيري بكي وقاله تحب تقولها ايه لو سمعاك دلوقتي
قاله اقولها وحشتيني يا اغلى الناس يالي عمري ماحسيت بالوحده وانتي معايا حتي وانتي عند ربك برضه سيبالي احلى ذكري عايش عليها
وعايز اقول لاي راجل مش حاسس بقيمه زوجته اتقي الله ف الست اللي شالت اسمك وصانت عرضك .اتقي الله ف ست وقفت جنبك بكل ما تملكه من حب وصبر حتي لا تري دمعه حزن واحده ف عينك . اتقي الله ف ام هتشيل مسئوليه اولادك .
اكيد مش جزاء كل ست عظيمه كدا الخيانه او الوجع.
مش كتير ع ست فضلت تخدمني وواقفه جنبي 40 سنه و ضحت واتحملت ظروفي وربت اولادها احسن تربيه ف ظل ظروف ربي وحده اعلم بيها ده غير انها كانت بتسهر معايا تساعدني ف شغلي عشان انجح واكون محمد صبحي
افتكر اقل حاجه اقدمهلها اني ع الاقل اعيش الباقي من عمري إلي هو اكيد ميتعداش الايام ع ذكراها لا دي تستحق اني افضل مخلص لها لحد مايجمعني ربنا بيها تاني ف الجنه ونبقي مع بعض إلي مالانهايه…..فنان جميل جدا
،
حقيقي من أجمل ماقرأت عن الوفاء ♥️😥