إحساسك الدائم بالتعب والإجهاد
وشعورك المستمر بالتوتر والضغط والضيق
كلها أحاسيس ومشاعر غالباً هتكون مش بسببك!
كلها أعراض جسدية ونفسية غالباً هتكون بسبب غيرك
أشخاص قابلتها، تعبت عانيت منها، مواقف منهم حصلتلك
وعشان تتجنب إن كل ده يحصلك، هتكون هي دي مهمتك
إنك تفرَّق بين الشخص الأصيل وقليل الأصل في حياتك
عشان متعانيش مواقف جاية وتكرر نفس أخطائك
لأنك مش هتلاقي شخص أصيل بينكر جميلك
ولا هتلاقي شخص أصيل بيجحد فضلك
وكمان مش هتلاقي قليل أصل جنبك
فاكر خيرك مهما شاف خير منك!
والفرق البسيط بين الأصيل وقليل الأصل واضح هيبانلك
إن الأصيل هيشوف مجرد إبتسامتك في وِشه جِميله
وتشوف انت أصله الطيب أيام وسنين طويله
أما قليل الأصل، فده مش هيشوف إنك
أصلاً ساعدته يوم ولا ساندته ليله..
وهتشوف منه المكر والحيله!
إحفظ صفات الشخص الأصيل ودوّر عليها في حياتك..
هتضمن إنك تعامل وتتعامل بأصلك طول حياتك
الأصيل هو ده الشخص اللي مش بيستبيح نفْس،
ولا يوجع قلب، ولا يشتت عقل، ولا يجرح حد،
هو شخص عُمره ما يفجر ولو بعد خصامه،
ولا يوم يحدف عليك الدبش في كلامه..
ولا يفضح سِرَّك، ولا يكشف سترك..
وبعد ما تبعدكم عن بعض السنين
هتلاقيك لسه فاكره وفاكر أصله
وبتحلف دايماً بحلو أيامه
وإعتبرها يا سيدي روشتة حياة تحافظ بيها عليك
لما تعيش كده بعقل واعي ونفس راقية في رحلة الحياة
إن الأصيل هيشوف مجرد إبتسامتك في وِشه جِميله
وتشوف انت أصله الطيب أيام وسنين طويله
أما قليل الأصل، فده مش هيشوف إنك
أصلاً ساعدته يوم ولا ساندته ليله..
وهتشوف منه المكر والحيله!
نصيحتي لك يا صديقي عزيزي
صاحب أصيل أبرك لك من العَشرة
وقليل الأصل ما يصونلك العِشرة
التعليقات مغلقة.