حقائق ومعلومات خطيرة عن الآيس أو الشبو أو الميث..

عن لسان دكتور لعلاج الادمان:
السنة الماضية لوحدها جالي ٧ حالات بتاخد مخدر اسمه آيس أو شبو..
منهم ٦ من بلدي سوهاج..
ومن جرجا وبرديس..
وتم ضبط بؤر هناك للإتجار فيه ولتعاطيه.

مشهور عن سوهاج وجرجا وبرديس السفر للخليج،
منهم مجموعات من الشباب سافروا أحد دول الخليج،
أغلبهم حرفيين وعمال،
وكثير منهم تعليمهم متوسط أو غير متعلمين،
وهناك تعرفوا على مخدر جديد اسمه الشبو،
أو الميث أو الآيس..
للأسف كتير من الشباب دول تعاطوا المادة المخدرة دي،
وكمان نزولوا بها لـ سوهاج وأصبح هناك بؤر لبيع الشبو في سوهاج،
بؤر إتجار، وشباب كتير تعاطت المادة دي بسببهم..
ونتيجة للتبادل “الثقافي” ده في المخدرات،
الشباب دول أخدوا الترامادول معاهم للخليج،
خصوصا قبل أزمة الترامادول،
وبقينا نشوف في الخليج شباب بياخدوا الترمادول،
وشبابنا الحلوين جابوا لنا الشبو!

-١-

ما هو مخدر الآيس أو الشبو؟

الشبو أو الآيس أو الميث أو الكريستال أو السبيد…
كلها مسميات لمخدر واحد هو الميثامفيتامين،
والذي يندرج تحت مجموعة متزايدة جدا في الانتشار يطلق عليها ATS ( Amphetmine Type Stimulant)
أهم أنواعها الأمفيتامين والميثامفيتامين والإكستاسي،
يتم تصنيعه من مادة الإفيدرين والسودو إفيدرين
اللي بتسخدم في تصنيع أدوية البرد.

الـ ATS
والـ NPS (New Psychoactive Substances)
تندرج تحت اسم المخدرات المصنعة Synthetic Drugs
واللي بدأت قصتها تقريبا في ٢٠٠٩
ووصل عدد المواد منها حوالي ٧٣٩ مادة حتى عام ٢٠١٧
بمعدل ظهور مادة واحدة أسبوعيا
الأمفيتامين والميثامفيتامين تم اكتشافهم تقريبا ١٩٢٠
وزاد انتشارهم مع الحرب العالمية والثورة الصناعية؛
لأنها مواد منشطة تساعد على زيادة اليقظة والانتباه وتقلل الرغبة في النوم وتزيد من النشاط العضلي.
للأمفتامين استخدام طبي، حيث يستخدم في علاج اضطراب فرط الحركة واضطرابات النوم ADHD

يطلق على الآيس أو الشبو street drugs أو مخدرات الشوارع،
بسبب رُخص سعره وسهولة تصنيعه؛
حيث يتم تصنيعه في معامل صغيرة،
والمواد الأولية اللي بتدخل في تصنيعه متوفرة.
وبرغم انخفاض سعره عالميا كمخدر،
فالجرام منه في سوهاج من سنتين كان بـ ٢٥٠٠ جنيه تقريبا،
والآن بسبب زيادة الطلب والعرض وانتشار بؤر الإتجار..
وصل سعر الجرام لحوالي ١٠٠٠ جنيه.
في حين أن الهيروين بجلالة قدره الجرام النظيف منه بحوالي ٢٠٠-٣٠٠ جنيه!

-٢-

يتم تعاطي الميث عن طريق الاستنشاق أو البلع أو التدخين أو الحقن (بعد إذابتها في الماء أو الكحول)،
ولأن الـ (high) بتاع الميث بييجي بسرعة وبيروح بسرعة،
فيحتاج المتعاطي لأخذها بشكل (binge and crash)
أو في شكل آخر اسمه (run)
مش بياكل ولا يشرب لأيام، وبالمقابل بياخد المخدر كل كم ساعة لمدة أيّام.

-٣-

كيف يؤثر الميث على المخ؟

الميث يعلي الدوبامين؛
والدوبامين له علاقة بحركة الجسم والدفاعية ومركز المكافأة،
زيادة الدوبامين في مركز المكافأة في الدماغ هو اللي بيخليه يكرر التجربة كذا مرة في تعاطي المخدر،
ومن ثم التعود عليه وإدمانه.

-٤-

ما هي تأثيرات مخدر الميث أو الآيس؟

التأثيرات القصيرة المدى:

• زيادة اليقظة والانتباه.
• تقليل الشهية.
• زيادة معدل التنفس ويزود ضربات القلب.
• زيادة درجة حرارة الجسم وضغط الدم.

الأخطر هو التأثيرات طويلة المدى:

• لو يؤخذ عن طريق الحقن فده يزيد احتمالية الإصابة بفيروس الـ HIV والفيروسات الكبدية الوبائية B و C
  -استخدامه يؤثر على الحكم على الأمور وكمان اتخاذ القرار، فبيخلي الأشخاص يعملوا risky behaviors
  او قرارت خطيرة زي الجنس غير الأمن أو الـ unprotected sex
  وده مع العوامل السابقة يزيد الـ infection

باقي التأثيرات:

• فقدان شديد للوزن.
• تحلل شديد أو تآكل الأسنان، وده مميز جدا.
• هرش شديد يؤدي إلى قرح في أماكن الهرش.
• قلق شديد.
• مشاكل في النوم.
• سلوك عنيف جدا.
• بارانويا شديدة.
• هلوسة.

استمرار التعاطي لفترة طويلة يؤدي إلى تغير في إفراز الدوبامين،
وده ممكن يؤثر على تناسق الحركة ويسبب مرض الشلل الرعاش،
وكمان يؤثر على التعلم اللفظي.

المشكلة الكبيرة أيضا إن الـoverdose منه غير متوفر لهantidote
زي النالتروكسون مثلا في حالة حدوث أوفر دوز الهروين.

طيب كيف نعالج الجرعة الزائدة من الشبو أو الآيس؟

نظرًا لأن الجرعة الزائدة من الميث غالبًا ما تؤدي إلى حدوث جلطة دماغية أو نوبة قلبية أو مشاكل جسيمة في أجهزة الجسم،
فأطباء الطوارئ بتكون مهمتهم هى علاج المشاكل الصحية الخطيرة، عن طريق:

• استعادة تدفق الدم إلى الجزء المصاب من الدماغ (السكتة الدماغية).
• استعادة تدفق الدم إلى القلب (في حالة حدوث نوبة قلبية).
• علاج العضو أو الجهاز اللي حصل فيه مشكلة، زي الكلى أو الرئتين.

-٦-

ما هي أبرز أعراض الانسحاب من الشبو أو الميث؟

• قلق.
• إرهاق شديد.
• اكتئاب شديد.
• أعراض ذهانية.
• رغبة قهرية في الشرب أو التعاطي.

-٧-

هل التعرض للدخان من مخدر الشبو أو الآيس كـ second handأو التدخين السلبي، ممكن يعمل تأثير الـ highبتاعه أو ينشط الأعراض الذهانية مثلا للمدخن السلبي؟

الأبحاث بتقول أن نتيجة تحليل المخدرات للشخص المدخن السلبي بتكون إيجابية positive
وانا بشوف إن ممكن يحصل التأثير بتاعه على الشخص المدخن السلبي،
أو لو حد قاعد جنبه وكان يعاني من أعراض ذهانية لكن مستقرة،
فممكن الأعراض تنشط، زي الهلاوس مثلا،
والكلام ده قياسا على الحشيش وعلى ملاحظاتي لبعض المرضى.

-٨-

كيف يمكن العلاج من إدمان الشبو أو الآيس؟

عم طريق العلاجات النفسية، مثل:
العلاج المعرفي السلوكي CBT
واللي بيهدف إلى التعرف على الأفكار والمحفزات وتعلم كيفية تجنبها،
كمان عن طريق المكافات التحفيزية motivational incentives
والتي تستخدم قسائم شراء أو مكافات نقدية صغيرة للبقاء ممتنعا عن التعاطي.