محمد شاب عمره 22 سنه حفلة تخرجه من كلية تجاره كانت من اقل من شهر ، كان شاب محترم و ذو خلق طيب و سيره حسنه .

ثلاث موتسيكلات عليهم 6 أفراد ( موتسيكل ريس و 2 موتوسيكل صيني و كلهم مسلحين ب آلي) ، دخلوا على مقهى بترعة غنيم التابعه لمركز شربين محافظة الدقهليه

كانوا جايين يقتلوا صاحب المقهى لأنه كان شاهد في قضية أول امبارح وكان هو الشاهد الوحيد و بعد ما أدلى بشهادته امام المحكمه الجاني اخد حُكم 15 سنه و من بعدها و هو بيتلقى تهديدات بقتله هو و أولاده .

محمد كان متواجد مع صاحب المقهى و 3 أشخاص في توقيت الهجوم و اتضرب نار على المقهى بالكامل ومحمد أخد طلقه في بطنه ونام في الارض و صاحب المقهى و هو المقصود اخد طلقتين في رجليه ولما وقع في الارض ظن البلطجيه انه مات وهربوا بالماكينات وطوال الطريق كانوا بيضربوا نار بشكل موجه تجاه كل المحلات و كل المتواجدين في طريقهم سواء محلات او اشخاص ولكن لم تقع اصابات .

محمد اتوفى و صاحب المقهى اتصاب في رجليه بطلقتين .

القريه بالكامل عاشت يوم حزين و مقهورين من اللي حصل .