من هو الشيخ جراح الذي سمي حي الشيخ جراح باسمه ؟

• هو الأمير حسام الدين بن شرف الدين عيسى الجراحي، طبيب صلاح الدين الأيوبي، القائد الكردي المسلم، الذي تحول إلى رمز لأجيال عربية متعاقبة منذ نحو 900 عاما.
• إنه التاريخ الذى لا يمحى

إيه قصة حي الشيخ جَرّاح على السريع للي مش فاهم؟

لما حصلت النكبة سنة ٤٨، اتهجرت ٢٨ أسرة من مُدنهم وبيوتهم، فاتفقت الأردن مع وكالة اللاجئين الأونروا، إنهم يملكوا أرض موجودة في شمال بيت المقدس اسمها حي الشيخ جَراح لل٢٨آسرة دول، حلو؟
حلو.
واتفقوا معاهم إنهم هيسلموهم عقود ملكية الأراضي بعد ٣سنين عشان يحطوها في عين أتخن تخين ممكن يتعرضلهم في يوم من الأيام!

وده حصل؟!
للأسف الشديد لا ماحصلش، والموضوع فضل نايم كذا سنة كعادة العرب!، لحد ما حصلت النكسة سنة ٦٧ وموضوع تسليم العقود اتعقد أكتر، ومن وقتها والصها..ينة بيحاولوا بكل الطرق إنهم يثبتوا إن أهالي الشيخ جَراج مستولين على الأرض بدون وجه حق وإن الأرض دي من حقهم هما بما إنهم أصحاب الأرض!(لفظ إعتراضي!)

وفي سنة ٢٠٠٨-٢٠٠٩صدر قرار من محكمة إسرائيلية على أسرة اسمها الكرد، واحدة من ضمن ال٢٨أسرة، إن بيتها يتقسم بالنص، نص للأسرة دي والنص التاني لصهيوني مستوطن يعيش معاهم!
السؤال..عمرك شوفت بجاحة كده قبل كده؟!
عارف يعني إيه صهي..وني يسرق بيتك ويدخل ويخرج معاك من نفس الباب؟! وإنك ماتأمنش على أهل بيتك في وجوده وفي غيابك دماغك تودي وتجيب!
مش كده وبس، لا ده بيشتمك وبيخوض في عرضك وعرض أخواتك البنات وأمك!
وممكن يوصل بيه الأمر إنه يضربك أو يضرب حد منهم!
أو يخرج ويقعد قدامهم عريان!

تخيل بقى إن حال أسرة أو عائلة الكرد كانت أهون من عائلة الغاوي وعائلة حنون اللي حُكم عليهم بالطرد من بيوتهم وتمليكها لصها..ينة مستو..طنين!
الكلام ده كان سنة ٢٠٠٨-٢٠٠٩، طب دلوقتي إيه اللي بيحصل؟

دلوقتي سنة ٢٠٢١ ناويين يطردوا ال٤٨أسرة كلهم واللي وصل عددهم ل٥٠٠شخص من بيوتهم في الشارع ويسَكِنوا البيوت للمستو..طنين الصها..ينة!!
قرار التهجير ممكن يصدر النهاردة الساعة١١الصبح يعني بعد حوالي ٥ساعات!
و الليلة اللي فاتت دي ممكن تكون آخر ليلة بيباتها الأهالي دول في بيوتهم!

فهمت ليه دلوقتي الدنيا مقلوبة بسبب حي الشيخ جَراح؟!