واحد بيحكي
وأنا بصلي الفجر وإحنا ساجدين سمعت الراجل اللي جنبي بيقول ” شكراً يارب شكراً يارب ” وعمال يكررها بس طول الأربع سجدات ، وهو بيبكي !
-بعد الصلاة معظم الناس بصت عليه لأنه بدون ما يقصد صوته كان عالي !
- الراجل لما لاحظ إن الناس بيبصوا عليه اتكسف وأعتذر علي ان صوته كان عالي غصب عنه بدون ما يشعر ..
الإمام كان ذكي جداً ، قاله علمنا ياعم الحج !
بتشكر ربنا على إيه !
-قاله أنا متجوز بقالي 25 سنة خلفتي كلها بنات ، حصل بين مراتي ومرات اخويا خلاف ..
فعايرتنا ان خلفتنا كلها بنات ، زوجتي زعلت جداً واتأثرت لدرجة إنها دخلت في حاله نفسيه صعبة ، رحت أرد على أخويا بقوله ينفع أم فلان تقول كذا كذا وبتعايرنا ..
قالي ” هي مغلطتش مش هي دي الحقيقة “
خرجت من عنده وأنا مكسور الخاطر ملقتش قدامي غير المسجد دخلت أتوضيت وصليت
وقعدت أدعي وأنا بعيط وكل اللي علي لساني ساعتها يارب والنبي يارب راضيني بيه يارب ..
ومفيش علي لساني غير الجمله دي بس عمال أكررها ومبقولش غيرها ..
أمبارح العصر مراتي تعبت روحنا نكشف قالولنا أنها حامل بقالها كذا شهر ولما شوفناه لقيناه فعلا ولد ..
كل اللي بيحكيه ده بيحكيه وهو بيبكي والله ..- الدكتور عمر عبد الكافي : كان بيحكي قصة رجل تاجر من الأنصار من صحابة النبي ﷺ وهو مسافر يشتري بضاعة طلع عليه حرامي ، وقاله انا هاخد مالك هاخد فلوسك وهقتلك ..
التاجر ده قاله طب خد مالي وسبني قاله لأ هقتلك !
التاجر استأذنه إنه يصلي أربع ركعات لله قبل ما يموت ، الحرامي سمحله إنه يصلي ..
بعد ما خلص صلاة شاف رجل جاي علي حصان من بعيد .. ضرب الحرامي قتله ..
التاجر قاله مين أنت مين ، قاله أنا ملك من السماء الرابعة لما دعوت دعائك الأول وقولت يامغيث أغثني سمعنا للسماء قعقعة ، ولما دعوت دعائك الثاني سمعنا للسماء رجة ..
فلما دعوت دعائك الثالث سألت الله أن يأذن لي أن أنزل وأغيثك ..فأذن لي .. ” أمن يجيب المضطر إذا دعاه ويكشف السوء “ - ربنا كريم يستحي إذا رفع أحدنا يداه إليه أن يردها فارغه دعائك ممكن يتأخر ، يتعثر ولكن في النهايه هيستجاب ولو بعد حين ..
لما يجي الوقت المناسب لما يجي الوقت المثالي ، هيجي معاه ترتيب الأسباب والجبر والعوض ، هيجي معاه تسخير الكون عشان توصل لحلمك وطلبك ..
أحلم بما تشاء وتمني ما تشاء فالله لا يخذل من لجأ إليه وآمن به وتعامل معه بيقين .
حتي لو كانت ضد المنطق وعكس كل الأسباب وكل حاجه حواليك مستحيله ، ربنا هيدهشك بتحقيقها بالأسلوب الأكثر استحالة ..
كل الصابرين بيجبروا ، وكل اللي أتاخد منه حاجه هتتبدله بعوض أجمل بإذن الله ..
التعليقات مغلقة.