تسجيل صوت عذاب القبر

.

وانا في الجامعة تقريبا .. انتشر شريط مسجل عليه اصوات عذاب القبر !!
.
ازاي يا عم؟!
قالك السوفييت حفروا حفرة عميقة جدا .. ونزلوا فيها اجهزة بترصد الموجات فوق الصوتية وتقلل ترددها علشان تبقى في النطاق المسموع .. فسمعوا اصوات صياح بشعة ..
.
نزلوا اجهزة تجيب عينات من قاع الحفرة .. طلعت ليهم ببقايا عظام .. فعرفوا انها مدينة خسف بها الارض لدرجة انها بقت تحت سطح الارض بكيلومترات .. واحد من العلماء الروس كان مسلم فقالهم دا عذاب القبر واتكلم عنه النبي – صلى الله عليه وآله – من 1400 سنة .. وقال كمان ان فيه حديث بيقول ( لا يسمع عذاب القبر الا البهائم ) لانهم بيسمعوا الموجات فوق الصوتية زى ما الكلاب بتسمع اصوات الزلازل ..

.
فصعق الفريق البحثي كله .. واسلموا ..
.
.
في نفس السنة .. انتشرت ورقة منسوخة بتحكي عن حامل مفاتيح الكعبة الشيخ احمد .. لما شاف النبي في المنام وقاله سلم علي امتي واطبع الكلام دا في ورقة وقولهم اللى مش هينسخها قدر محبتي وينشرها مش هشربه من الحوض يوم القيامة ..
.
.
.
القصة الاولي ألفها واحد ايمانه ضعيف او علمه ضعيف .. مش مستوعب ان دين ربنا أقوى وأثبت من انه يتم التدليل عليه بالعلوم الحياتية المتغيرة .. ومش مستوعب انه اشرف من انه يدعى اليه بالكذب !!
.
والقصة التانية لصاحب مكتب تصوير مستندات واضح ان الدنيا كانت مريحة معاه فألفها .. حاجة كدا زى بياع عصير القصب المصري من مئات السنين .. اللى حب يحقق مبيعات اكتر فألف حديث نسبه للنبي بيقول (( عجبت لأهل مصر كيف يمرضون .. وعندهم عصير القصب والليمون ))!!

جيلنا كان علشان يدور علي معلومة كان بيروح المكتبة وتطلع عينه علي ما يلاقيها ..
الجيل دا بموبايله يعرف يوصل لاي معلومة في الدنيا .. ويقدر ياخدها من مصادر موثوقة ..
الجيل دا ملوش عذر انه يخرج من بين منتسبيه (( مغفلين )) ..

ودي القصة الثالثة للي ملحقهاش

سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ ۗ أَوَلَمْ يَكْفِ بِرَبِّكَ أَنَّهُ عَلَىٰ كُلِّ شَيْءٍ شَهِيدٌ

وَفِي الْأَرْضِ آيَاتٌ لِلْمُوقِنِينَ * وَفِي أَنْفُسِكُمْ أَفَلَا تُبْصِرُونَ

التدليل على الدين بالعلوم الحياتية مش غلط في ناس كتير خصوصا في الغرب كان اول مدخل ليها للدين هو الموضوع دا والثابت منها ال يعتبر حقائق زي حركة الشمس والجبال وغيرها من الحقائق المباشر ذكرها والثابتة تعتبر اعجاز علمي كون القرآن ذكرها قبل اكتشافها بآلاف السنين لكن الغلط هو الكدب وتأليف القصص دي