موكل بيسألني عن أتعاب قضية
انا قولتله 10000 جنية.

قال ليييييييييييه كتير قوي

ف سألته حضرتك تفتكر تتكلف كام؟
ف قالي يعني ب الكتير 2000 جنية دى قضيه سهله

قولتله تمام حضرتك تقدر تعملها ب 2000؟
قالي بس انا مش عارف الاجراءات!

قولتله مش مشكلة انا ممكن اعلمك تعملها ازاي مقابل 2000 ج وهتوفر 8000 وكمان هاتبقي اتعلمت تعملها ازاي المرة الجاية

وافق فعلاً ف قولتله جهز بقي مكتبك ومراجعك وكتبك وكمبيوتر لكتابة العريضة وبِدل وكرافتات علشان تنزل بيهم المحكمه ف رد انه مش عنده مكتب ولا بدل ولا كتب ولا كمبيوتر ومش ممكن هيجهز مكتب ويشتري كتب وبدل وكمبيوتر عشان شغلانة واحده

فعرضت إني أأجرله كل دا مقابل 2000 ج
ووافق الصراحة

ف قولتله حلو قوي مستنيك يوم التلات نشتغل بس للأسف رد عليا انه مشغول جداً ومش هاينفع يسيب شغله ويجي التلات هو كان فاضي النهاردة بس

ف قولتله آسف لاني مش فاضي غير التلات عشان أعلمك و أأجرله المكتب ف اضطر يعمل اجازة من الشغل ويسيب مصالحة عشان اعلمه الاجراءات ودا كلفه خصم يوم للأسف في البداية وأيام في باقي الاجراءات.

ولما قالي هنتقابل امتي قولتله مستنيك الساعة 8 الصبح نبدأ ان شاء الله
هنا اعترض خالص لانه متعود ينام ويصحى براحته

ولاقيته فجأه بيقولي خلاص يا متر انا فهمت إنت بتعمل ايه الرسالة وصلت
خد ال 10000 ج انا كدا كدا حتي لو اتعلمت مش هاطلع بنتيجة زيك من اول مره

قولتله الله ينور عليك خليك دايماً فاكر انك مش بتدفع تمن اجراءات وأوراق

انت بتدفع للي ورا النتيجة النهائية دي:
تعليم
خبرة
دراسة
أدوات
وقت
مجهود
التزام بالمواعيد
أمان
احترافية

طبعاً الحوار دا تخيُلي مش حقيقي

بس المفروض الناس قبل ما تحكم علي أتعاب المحامي يبقوا عارفين ان في وراها تعب وسنين خاصة لو مجهود عقلي وبدني وفكرى …