عمرو أديب عن إعلان عمرو دياب ايه الصحة دي يابني ورد المتابعين عليه….. عمرو دياب بيقول أنا موجود وسأظل موجود»
رد احد المتابعين علي مواقع التواصل
دا حقيقي، بس شوية اسآلة رفيعة لو ماتديقش استيك رولكس ساعتك، هل الهيستوري بتاع عمرو كان فيه انه اتصاب بالبلهارسيا وهو صغير من الكد في الترع والمصارف،
هل عمرو دياب انجلد في طفولتها الغيطان بالبحث عن دودة القطن ورش المبيدات عشان ياخد ملاليم يشتري بيها طقم للمدرسة، هل عمرو دياب شال كل أنواع الهموم في ثانويته عشان مش عارف هايواصل ازاي ويواجه المستقبل ازاي بجيوب فاضية وبلا وسايط ،
هل عمر دياب اتشعلق يوما ما في ثقايل غير آمنة وبوشت ايديه ورجليه الأسمنت والجبس ، عمرو دياب السبعيني او الستيني الله اعلم بيبدل في البنات والنساء كيفما شاء او حسب موسم هايسندا، لكن عواجيز العشرينات والتلاتينات بيزيد عدد الشعر الأبيض في وشهم وشعر رأسهم كل ما حلم الارتباط والعياذ بالله بيراودهم عن نفسهم في لحظات مابين الفحت والسحل،
شقة وشبكة ومهر ومصاريف وحرب مع عنطزة وتعالي واستهبال المجتمعات في الولا حاجة،
عمرو دياب هايكمل ٢٠٠ سنة ولسه زي ماهو ، لأنه لا هاجيله كبد ولا فيروس سي ولا هايتسحل في شغل ولا هينام على بلاط ولا هياكل تبن من العيشة واللي عايشنها، طبعا لا اتمنى له مكروها معاذ الله ، ولكن هي مفارقات بسيطة كده بين شاب في الستين وعجوز في العشرين.
استاذ عمرو اديب انت افضت واستفضت مع الهضبه ويا بني ايه الحلاوه دي وانت اجمد واحد في مصر الدنيا ياعمرو ملهاش امان ولا لها مقاييس عمرو دياب بلغ الستين وسبحان الله لابد أن تؤثر عليه الشيخوخه قريبا انظمه الحياه وقانونها الرباني لابد أن ينتصر ولك أن تتخيل مايكل جاكسون يمشي ويتحرك وكان يؤدي حركات رياضيه لاعمرو دياب ولا عشره مايكل جاكسون كان يتنفس اوكسجين نقي ومعه أطباء وخبراء اغذيه ورغم ذلك مات وهو على المسرح بيطنطط ولم يشفع له أحد
التعليقات مغلقة.