الضحية لما بدأت امتحاناتها في الجامعة جابت صديقتها تقف مكانها في الشغل عشان لما تخلص تقدر ترجع بدل ما يجيبوا حد تاني، خلصت امتحاناتها وبلغت صاحبتها إنها هترجع، فدا ضايقها لأن الوظيفه دي مرتبها كويس، فكلمت ابن خالتها وقالتله يضربها ويعملها كسور عشان تقعد في البيت وماتجيش مكانها وبالفعل ابن خالتها راح العيادة مع صديقه على أساس إنه هيضربها، لكن اللي حصل أن البنت صرخت فخافوا الناس تطلع فخنقوها بالإيشارب بتاعها وماتت.
لما سمعت عن الجريمه قبل القبض عن المجرمين عرفت إنها جريمه عاطفيه بسبب طريقة القتل وإن حد من المقربين هو القاتل، تحليل شخصية البنت القاتله هي شخص كتومه جدا وغيوره جدا وفي نفس الوقت ماعندهاش ثقه في نفسها، وهنا يبدأ الخطر ببساطه لأن قلة الثقه في النفس لما بتجتمع مع الغيره بتخلق شخص حقود جدا، ناس كتير من اللي بتبعتلي صور لتحليل الشخصيات بيكون في حياتهم النوعيات دي، مش كل حد بيسمعك بالمناسبة هو بيسمعك عشان بيحبك، بالعكس النوعيات دي بتكون فضوليه جدا، وحياتك واللي انت بتحكيه بتكون وسيله ليهم للتعويض عن فشلهم في حياتهم البائسة، والقاتله كانت فاشله في حياتها الأسريه، بتعشق التملك والسيطره وماكانتش مبسوطه حتى مع خطيبها دا، لكن النوعيه دي بتخاف جدا من شماتة الناس ومن الحسد رغم إنها حسوده، للأسف نموذج البنت دي موجود في حياة ناس كتير، لكن لسه ما اتعرضوش لموقف يظهروا فيه حقدهم وغيرتهم الشديده منكم ومن إن حياتكم أحسن من حياتهم.
التعليقات مغلقة.