كلام والد منار
1- بنتي كانت بتطلع التانية او التالتة ع المدرسة وكان نفسها تبقا مهندسة

2-امها اتوفت من 5 سنين ومن يوم وفاتها وهي ورده مطفيه

3- طول عمرها بتصلي وكانت مصلية الفجر قبل ما تروح ومكنش عندها اي امراض ولا بتعاني من اي حاجة

4- كانت محبوبه من زمايلها والمدرسين بتوعها وكانت بتطلع من الامتحان تشتكي من صعوبته بس كانت بتقول الحمدلله عدا

5- انا بنتي زيها زي زمايلها واهي بنت ماتت الله يرحمها وربنا يكون في عون زمايلها وحسبي الله ونعم الوكيل في طارق شوقي شرد ولادنا وبهدلهم
ابوها باين عليه انسان بسيط وقلبه طيب ونظرة الوجع اللي في عينه تصدم اي حد
ربنا يصبرك ع فراقها ويرحمها برحمته ويجعلها سبب في دخولك الجنة

عاشت يتيمة وماتت مقهورة من الخوف والقلق والتوتر،

تغمدها الله بواسع رحمته واسكنها فسيح جناته مع الصديقين والشهداء وحسن اولئك رفيقا