انهارده معانا اكلة جبارة وحببتى انا شخصيا انهاردة هناكل مسقعة بطرق كتيره وسهلة .
المسقعة عبارة عن بتنجان مقلى وبطاطس وفلفل وطماطم فى الفرن فى الحلة فى الصنية من غير صلصة كتير غرقانة فى الصلصة كل بيت وكل واحد وله طريقة حتى عملوها بالبشامل وحتى فى مسقعة تركى واخر نوعين دول الطعم حكاية وانا بحبهم جدا
نبدا بقى ونشمر ونقول الوصف بلاش رغى كتير
هات البتنجان واغسله كويس وانقعه فى ملح وماية كتير علشان ميشربش زيت او عفره بالدقيق
ولو عاوز شكل جمالى قشره خطوط واقليه فى زيت سخن وطلعه يتصفى من الزيت ولو عندك ورق ممكن تصفيه عليه
فى ناس بتحبها بالبطاطس ودى حرية شخصية ليك اقلى البطاطس وبردو صفيها
واكيد اكيد الفلفل الرومى والحامى زى ما تحب بمزاجك
نيجى بقى للتركيب وهنا ناقصنا خطوة تحدد الطعم والنوع بقى
نعمل مسقعة العادية ونخترع بعد كده
هات شوية طماطم واضربهم فى الخلاط ضربا مبرحا جدا وهات حلة وحط شوية زيت صغيرين وانزل عليهم بفصين توم مهروسين اول ما اريحة تطلع انزل بعلقة خل صغيرة وانزل بالصلصة الاى لسة مضروبة وسبهم يتسبكو شوية وانزل بابهارات بتاعتك بقى الاى هى (( فلفل اسود – كمون – كزبرة – ملح )) واول ما تنقص كده اديها فص توم مهروس كمان علشان الريحة
وهنا ننزل بقى بالبتنجان والبطاطس والفلفل ونقلب تقليبة خفيفة وشكرا الف هنا ودى المسقعة العادية ولو عاوز تعملها بالحمة المفرومة تضيف شوية لحمة مفرومة للكلام ده كله .
نتخترع بقى المسقعة التركى بطاطس مدورة مقلية وبتنجان مدور مقلى وفلفل مدور مقلى ويتقلو او يتشوه فى الفرن (( علشان كده انا بحبها جدا بشويهم فى الفرن )) نجمع بقى فى صنية مسطحة او اى حاجة تخوش الفرن نرص البتنجان والبابطس فوقه ونسيب مسافات بنهم والفلفل ونصب عليهم صلصلة بس بهارتها (( نفس الاى فوق ونزود شوية بابريكا شوية بهارات عطرية )) وهنا تكون الصلصة تقيلة شوية اتنين تلاتة تكون القوام تقيل ونرش كده بحيث يكون شوية عليهم وشوية لا وتدخل الفرن خمس دقايق والف هنا
ونقول بقى على العشق مسقعة بالبشامل
بردو نقلى البتنجان والبطاطس والفلفل ونرص فى صنية تخش الفرن بطاطس بتنجان فلفل لحمة مفرومة ورشة جبنة اى نوع انا بحب الجبنة الرومى وشوية صلصة تقيلة ونكرر بطاطس بتنجان فلفل بطاطس دواير كمان مرة وفلفل خفيف كده ويا سلام لو ملون بقى ونعمل البشامل بقى وده سهل خالص
معلقتين دقيق وبنفس المعلقة دقيق وعلى النار وقلب وننزل بالبن اول ما الدقيق يتحمر انزل شوية شوية وقلبل كل ما يتقل معاك زود لبن لحد ما تشوف بشامل مناسب معاك وعلى هواك ونرش عليه شوية ملح وشوية فلفل اسود ورشة جوزة الطيب وننزل بده كله على الصنية ونخبط والشوكة كده نعمل فراغات علشان البشامل يتدخل جوا ويتماسك كده ويخوشو الفرن ربعاية كده لحد ما الوش يتحمر ونخرجها نرش عليها شوية جبنة رومى او برمزيان او جبن موزريلا واديها دققتين كمان والف هنا وشفا على قلبك
التعليقات مغلقة.