موضوع هيزعل ناس لكن كلام على حق نقل عفش العروسه الى بيت العريس
يعنى ايه عشان انقل عفش بنتى لازم اجيب 15 عربيه لنقل العفش وممكن اصلا 3 عربيات يكفوا الموضوع كله ولازم الف البلد كلها عشان الكل يشوف انا جايب ايه لبنتى مع ان بيت العريس فى الشارع اللى جنبنا
وطبعا لازم ال دى جى عشان الفرحه تكمل وطابور العربيات يقف كل شويه عشان الشباب الجميل اللى ربنا هينصر بيه الامه يرقص شويه بالسنج والمطاوى
طبعا دا غير ان الناس كلها بتبص على عفش بنتك والناس الفقيره اللي عندها بنت بينكسر قلوبها لانها مش هتقدر تجيب زى ما حضرتك جبت لبنتك والحاجات كلها بتتركن تحت السرير ولا ليها اي لازمة فشخرة واونطه فاضيه
بس اذاي يقولك دة بنت خالتها جايبه كذا وكذا وكذا
دة بنت عمها جايبه كذا وكذا وكذا
استني يا بنتي دة لازم نجيب حاجات احسن من حاجات سلفتك اللي في البيت معاكي علشان حماتك تنبسط
على فكره بيبعوا الحاجات برخص التراب وممكن يحدث خلافات ومشاكل وممكن يصل للطلاق
كمان الكل باصصلك فى عفشك وبيحسدك
بتزعج الناس .. بتزعج المريض .. بتكسر قلوب الاباء والامهات الغير قادرين . ارحموا أنفسكم يرحمكم الله
التعليقات مغلقة.