شيخ الأزهر قطع الطريق على مؤامرة خطيرة جدا، وممكن مفيش حد ركز معاها أو قدر يفهمها غير اللي متابع حوارها من بدايته..
شيخ الأزهر في المؤتمر السنوي ل «بيت العيلة المصرية» كشف عن المخطط العالمي للديانة الإبراهيمية، أو الدين الإبراهيمي،
واللي من خلاله هتقوم القوى الكبرى بمزج الديانات الثلاث اللي في الشرق الأوسط والمنطقة العربية في دين وأحد جديد..
يعني يعملوا عملية ذوبان للإسلام والمسيحية مع اليهودية وينتجوا دين وأحد جديد اسمه الدين الإبراهيمي، لرأب الصدع في المنطقة وحقن الدماء «ده طبعا السبب الظاهري».
وانا كنت قرأت تقريرا مفصل على الموقع الروسي «Rt arabic» عن الموضوع ده، وكانت معلوماته منقولة على لسان قيادة أمنية مصرية سابقة، وإن المخطط فعلا يقترب من التنفيذ للإعلان عن الدين الإبراهيمي الجديد اللي بيضم الديانات الثلاث.
وكلنا شفنا الإعداد الجيد للإعلان عن الديانة دي الفترة اللي فاتت، من هجوم إعلامي شرس على شعائر الإسلام، والتشكيك في مكانة السنة النبوية، وفرضية الحجاب، والهجوم على قراءة القرآن، والصلاة في المدارس، وغيرها كتير من ألوان الهجوم سواء عندنا في مصر، أو برة في البلدان العربية..
وأسعدني جدا شيخ الأزهر، الدكتور أحمد الطيب لما خصص مساحة كبيرة من كلمته النهاردة في المؤتمر السنوي لبيت العيلة، واللي أعلن فيها عن مخطط الديانة الإبراهيمية، وإنها مرفوضة تماما، وكشفها للحاضرين من المسلمين والمسيحيين، والمتابعين من كل مكان…
وكشف شيخ الأزهر لمؤامرة زي دي لم تزل في رحم التخطيط قد يقضي عليها قبل أن تولد..
وعلشان كده أحب أشكر بكل فخر الشيخ أحمد الطيب شيخ الأزهر.
اللهم أعز الإسلام والمسلمين
التعليقات مغلقة.