شقق الاسكان الإجتماعي الإجابه علي جميع الأسئله لمحدودى ومتوسطى الدخل الشروط والاوراق والتفاصيل
الأوراق والشروط والتفاصيل ل شقق الإعلان ال 15 للإسكان الإجتماعي لمحدودى ومتوسطى الدخل
س/ج
س1/ ممكن أعرف دا الإعلان رقم كام ؟
ج/ دا الإعلان رقم 15 لشقق الإسكان الإجتماعي
س2/ الشقق دي نازله لأني فئه في المجتمع ؟
ج/ نازله لمحدودي الدخل ومتوسط الدخل
س3/ أنا بستلم الشقه كامله التشطيب ولا بشطب أنا فيها حاجه ؟
ج/ لا بتستلمها كاملة التشطيب يدول تاخد حجتك وتروح تقيم فيها
س4/ طب أنا بستلم الشقه بعد كام شهر ؟
ج/ بعد 36 شهر (محدودي”منخفصي” الدخل-متوسطي الدخل)
س5/ إي هيا المدن اللى نازله لمنخفضي(محدودي) الدخل؟
ج/: (الإسماعيلية، المنيا، الشرقية، سوهاج، قنا، الإسكندرية، المنوفية، كفر الشيخ، أسوان، الغربية، البحيرة، مطروح، الفيوم، بني سويف، أسيوط، الوادي الجديد، الأقصر، شمال سيناء، ودمياط).
س6/ إي هيا المدن اللى نازله لمتوسطي الدخل؟
ج/ (بدر، حدائق العاصمة، 15 مايو، حدائق أكتوبر، 6 أكتوبر، العاشر من رمضان، أسوان الجديدة، العلمين الجديدة، المنيا الجديدة، ناصر، رشيد الجديدة، بني سويف الجديدة، الغردقة البداري، وبورفؤاد).
س7/إيه المطلوب عشان أقدم ؟
ج/ بتشتري كراسة الشروط من أي بريد مميكن وبتدفع مبلغ جدية الحجز على حسب أنى شقه أتختارها
س8/ إي هيا الشقق المعروضه لمنخفضي الدخل والشقق المعروضه لمتوسطي الدخل ؟
ج/
محدودي الدخل
- النموذج الأول وهو شقق كاملة التشطيب بمساحة 75 مترًا، والثانى وحدات بمساحة 90 مترا، وتختلف الأسعار ومقدم الحجز وفقا لمكان ومساحة الوحدة.
- أولًا: الشقق الـ75 مترا سعرها 164 ألف جنيه ويصل مقدم الحجز لها 10 آلاف جنيه وتتواجد في محافظات الإسماعيلية والشرقية والمنيا وسوهاج وقنا
- .ثانيًا: شقق الـ90 مترًا بها 3 أسعار، 184 ألف بمقدم حجز 12 ألف جنيه، و197 ألف جنيه بمقدم حجز 14 ألف جنيه، وأخيرا شقق بأسعار 310 آلاف بمقدم حجز 15 ألف و500 جنيه
🔴متوسط الدخل
بالنسبة لشقق الإسكان المتوسط تبدأ الأسعار من 471 ألف، وحتى 950 ألف جنيه، حيث يتراوح شقق الإسكان المتوسط من 741 ألف إلى 546 ألف، ويكون السعر الأعلى لشقق الاسكان الاستثماري والذي يتواجد في مدن الغردقة وبور فؤاد
س9/ ممكن أدفع مبلغ جدية الحجز وأنا بشتري كراسة الشروط؟
ج/ لو كانت كل الاواراق جاهزة معاك ممكن تشتري الحراسة وتملا البيانات وتقدم في نفس اليوم وتدفع مقدم جدية الحجز
س10/ طب كراسة الشروط بكام ؟
ج/ كراسة الشروط ب 150ج لمحدودي الدخل وكمان لمتوسطي الدخل
لكن بندفع معاها 350ج مصروفات إداريه (لمحدودي الدخل) ، و 400ج (لمتوسطي الدخل) وبكدا هيكون إجمالى المبلغ المدفوع لمحدودي الدخل 500ج ولمتوسطي الدخل 550ج والفلوس دي غير مسترده لقدر الله حضرتك مخدش الشقه
س11/ لو انا قدمت واترفض الفلوس الي دفعتها هاخدها تانى ؟
ج/ اها كل الفلوس اللى دفعتها هتاخدها تانى بخلاف فلوس شراء كراسة الشروط والمصروفات الاداريه اللى اتكلمنا فيها من شويه في السؤال رقم 10
س12/ بعرف منين اذا كان اتوافق عليا ولا اترفض في التقديم لشقق الاسكان الاجتماعي ؟
ج/ بعد 3 شهور بتظهر النتيجه اذا كان تم قبولك او رفضك وبتوصلك رسالة علي رقم التليفون المسجل في كراسة الشروط بتعرفك مقبول ولا مرفوض
س13/ لو تم قبولي ايه نظام الاقساط والفلوس معايا بعد كدا ؟
ج/ حضرتك بتبدء تدفع اول قسط ليك يوم 1/1/2022 وطريقة دفع الاقساط هنا بتكون ربع سنويه يعني كل 3 شهور لمدة 3 سنوات علي حسب سعر الشقه ومكانها هيتحدد القسط الربع سنوي لان الاسعار متفاوته للوحده السكنيه سواء شقق ال90 متر او ال75متر
س14/ بعد انتهاء الى 3 سنين وخلاص دفعت كل الاقساط ايه النظام هنا ؟
حضرتك بتسدد ثمن الوحده السكنيه بنظام التمويل العقاري لمدة تصل ل 30عام بسعر عائد 3% سنوياً متناقصه
س15/ التقديم فاتح لحد امتي ؟
ج/ اعتبارًا من يوم الأحد 8 أغسطس إلى 14 أغسطس 2021، (للمواطنين من ذوي الاحتياجات الخاصة فقط)، واعتبارًا من يوم الأحد 15 أغسطس حتى الخميس 9 سبتمبر 2021، لجميع المواطنين متضمنين ذوي الاحتياجات الخاصة.
س16/ أول دفعه هنبدء نسددها إمتي ؟
ج/ يو1/1/2022
س17/ بعد انتهاء ال 3 سنوات ايه اللي هيتم ؟
ج/ من المفترض ان بعد ال 3 سنوات حضرتك هتستلم الشقه
س18/ طب بعد التلت سنين هكون مسدد اد ايه من ثمن الشقه ؟
ج/ حضرتك هتكون مسدد بواقع 25% من إجمالى ثمن الوحده السكينه
س19/ النسبه 10% اللى الاسكان هيضفها علي ثمن الوحده السكنيه بحد اقصي دي هتكون بناءا على ايه؟
ج/ نتيجة لو حصل اي فروق اسعار او معوقات تطرأ اثناء التنفيذ يعني مثلا الدنيا غليت زي مثلا لما حصل تحرير لسعر الصرف في 2016
س20/ بعد مشتريت كراسة الشروط ودفعت مقدم جدية الحجز فجأه مش عايز أكمل في الموضوع دا ممكن اسحب فلوسي ولا ايه الوضع كدا ؟
ج/ عادي جدا ممكن تسحب مقدم جدية الحجز اللي قمت بسدادها في اي وقت قبل التعاقد ودا طبقاً للضوابط العامه الموجوده في كراسة الشروط
س21/ إي هوا الورق المطلوب للتقديم لو أنا أعزب (غير متزوج/ة) ؟
ج/ صورة بطاقه ساريه – برنت تأميني من التأمينات – إيصال مرافق حديث مياه او غاز او كهرباء – استمارة التقديم + الاقرار – مفردات مرتب “شهادة الدخل” – اصل ايصال شراء كراسة الشروط – اصل ايصال السداد للمبلغ المدفوع بالبريد”مقدم جدية الحجز”
س22/ إي هوا الورق المطلوب للتقديم لو أنا متزوج/ة ؟
ج/ صورة بطاقه ساريه للزوج والزوجه – قسمة الزواج كمبيوتر – شهادة ميلاد للابناء كمبيوتر – قيد عائلي مميكن – ايصال مرافق حديث مياه او كهرباء او غاز و عقد ايجار – مفردات مرتب للزوج والزوجه اذا كانت تعمل – برنت تأميني للزوج والزوجه – استمارة التقديم الاقرار المرفقين بكراسة الشروط – اصل ايصال شراء كراسة الشروط – اصل ايصال السداد للمبلغ المدفوع بالبريد”مقدم جدية الحجز”
س23/ إي هوا الورق المطلوب للتقديم للأرامل والمطلقات ؟
ج/ صورة بطاقه ساريه للمتقدم – قسيمة الطلاق او شهادة الوفاه كمبيوتر – شهادة ميلاد للأبناء كمبيوتر – ايصال مرافق حديث غاز او مياه او كهرباء و عقدايجار – مفردات مرتب للمتقدم – برنت تأميني للمتقدم – طابعه معتمده بيانات المعاش من التأمينات لأصحاب المعاش – صوره من مستند النفقه التى تحصل عليها المطلقه – استمارة التقديم الاقرار المرفقين بكراسة الشروط – اصل ايصال شراء كراسة الشروط – اصل ايصال السداد للمبلغ المدفوع بالبريد”مقدم جدية الحجز”
س24/ هدفع كل اد ايه بعد ال 3 سنين وسداد الاقساط الربع سنويه وهدفع كام ؟
ج/ القسط اللى هتدفعه هيكون كل شهر ، هتدفع كام فدي هتختلف من واحد للتاني يعني اللي عنده 30 سنه مش زي اللي عنده 45 سنه مش زي اللي عنده 22 سنه البنك هوااللي بيزبتها مع كل واحد فيكم يعني كل الناس زي بعضها في كل حاجه ماعدا في القسط الشهري اللي هيكون لمدة 30سنه هيكون بناءا على الدخل الشهري والسن والمقدم المدفوع ومدة التمويل
س25/ ايه الافضل للتقديم العمل الحر ولا الوظيفه الثابته ؟
ج/ الوظيفه الثابته طبعاً
س26/ امتي نعمل شهادة الدخل من محاسب قانوني معتمد ؟
ج/ في حالة العمل بمهنه حره أو صاحب نشاط حر أو ربة منزل أو العمل خارج مصر أو طالب ما فوق الى 21 سنه او اصحاب المهن النقابيه الحره او من يمتلكون سجل تجاري وبطاقه ضريبيه
س27/ شروط التقديم على شقق الاسكان الاجتماعي ؟
ج/ السن من21 عام الى 50 عام – عدم الحصول على وحده او ارض بدعم مسبقاً من مشاريع الدوله – عدم وجود فيزا مشتريات بعد عامين من تاريخ الاعلان – الارتباط بالمدينه المتقدم لها ميلاداً او عملا او اقامه – الا يكون الدخل اقل من 1300ج كحد ادني للمتقدم ولا يزيد عن 4500ج للأعزب و 6000ج للمتزوج كحد اقصي
س28/ انا سمعت ان الزوجه لو مكنتش بتشتغل بتمضي اقرار بدا ؟
ج/ الكلام دا صحيح الزوجه ان كانت لا تعمل هتمضي علي اقرار بعدم العمل
س29/طريقة التقديم لحجز شقق الاسكان الاجتماعي ؟
ج/ الحجز الكتروني على موقع صندوق التمويل العقاري يبدأ بشراء كراسة الشروط من مكاتب البريد وملئ اسمارة الحجز ثم ارفاق الاستماره وايصال سداد مقدم الحجز وايصال المصاريف الاداريه على الموقع الالكتروني بصيغه ملف بي دي اف ثم بعد ذلك يبدأ تريب اوراق المتقدمين وفقا للأولويه وتسليم اوراقهم لشركات الاستعلام الميداني للتأكد من صحتها وان الحاجز مطابق للشروط
س30/أولوية المتقدمين لحجز شقق الاسكان الاجتماعي ؟
ج/ التخصيص في مشروع الاسكان الاجتماعي يتم وفقا للاولويه والتى تتضمن في المقدمه الحاجز المتزوج ويعول ويشمل المرأه الارمله وتعول والمطلقه وتعول ثم الحاجز المتقدم المتزوج وتكون الاولويه للاصغر سنا ثم الاعزب والاولويه للاصغر سنا
التعليقات مغلقة.