بعد قضية طلاق حكمت المحكمة اليمنية في صنعاء بكفالة الأطفال للأم طبيبة الأسنان #منيرة_الحداد
بيوم من الأيام بيجي زوجها وبياخد الاطفال على اساس يرجعهن تاني نهار
ما قبل يرجعهن ف راحت منيرة ع المحكمة وحكمت لصالحها بحق حضانة الطفلين
رفض الزوج يرجع الاطفال وهدد أيا حدا بيدخل على المنزل
بعد ٣٣ يوم من احتجاز الزوح للطفلين، اصدر قاضي محكمة صنعاء حكم باقتحام المنزل و استرداد الطفلين لحضن امهن
حاولت منيرة مع شقيقها و عناصر من الشرطة اقتحام المنزل، وما كان من الزوج غير إنو يرمي قنبلة يدوية قتلت منيرة وطفلتها #جوري يلي عمرها ٥ سنوات ونجا أخوها البالغ من العمر ٣ سنوات!
أي هيك الواقع بيقول
ولسا الناس بتسأل ليش في حركات عم تنادي بحقوق النساء!
• ولهلق في ناس مستغربة ليش عم نطالب بتحسين وضع المرأة بالمجتمع
• ولهلق في ناس مانها مصدقة انو وضع النساء مزري في مجتمعاتنا
• ولهلق ناس بتلوم الضحية وبتوقف مع الجلاد الجاني
• ولهلق في ناس بيشوفو المطالبة بحماية المرأة هو امر تافه وسخيف لانو بنظرهن نساء مجتمعنا معززات ومكرمات ملكات في بيوت ازواجهن
كل ضحية عم ترحل عننا عم تزيد زخمنا للمطالبة اكثر و اكثر باحترام حق المرأة في الحياة الكريمة الحرة الآمنة, تخيل إنو هالأمور البديهية في مجتمعاتنا تعتبر “مطالب”!
منيرة وجوري مانهن أول ضحية لنظام اجتماعي كامل بيحمل ذنبها
نظام اجتماعي فاشل عم ياخدنا لما تحت الشمس لأنو اقطعنا ما وراءها خلص
التعليقات مغلقة.