- حسين فهمي انت اتولدت و في بوقك معلقة دهب .
= مظبوط- و في سن 12 سنة اتشالت من بوقك المعلقة الدهب ، وقت ما قامت ثورة 52 كنتم فين ؟
= كنا في باريس ، انا فاكر كويس اوي يوم ٢٣ يوليو الصبح امي جالها تليفون و احنا في الأوتيل و والدي اتواصل مع افراد العيلة المالكة و كلم البرنس محمد علي اللي هو ولي العهد ، كان في سويسرا فقاله كل العيلة هتتجمع في سويسرا و روحنا اتقابلنا هناك - طب كنتم وقتها برا ، ايه اللي خلى والدك يرجعكم مصر
= لأنها بلدنا - بس هو اتقبـ ـض عليه اول ما وصل ، فدي مخاطرة منه !
= ايوا احنا أول ما وصلنا والدي اتاخد من المركب علطول و اتسجـ ـن ٣ شهور بدون تحقيق و بدون تهمة - ندم بعدها انه رجع مصر ؟
= لا خالص ، أصل الوطن ده مانقدرش نستغنى عنه يعني ، دي بلدنا و ما نقدرش نبعد عنها - بس احيانا في الظروف اللي زي كده بيبقى الوطن هو المكان الامن ، ان والدك يدور على مكان يبقى عيلته في امان ؟!
= المكان الامن بالنسبالنا كان هو مصر دايما - ايه اللي اختلف لما نقلت من الزمالك للعجوزة ، ايه اللي اختلف في اسلوب حياتك ؟
= و لا حاجة ، أهلي ماحسسوناش بأي اختلاف - بس مش نفس فخامة البيت ؟
= الفخامة دي داخلية ، ما هياش بالفلوس ، احنا دايماً حاسين بالفخامة دي من جوانا 🖤
التعليقات مغلقة.