جوناتان ويلسون على الجارديان كان كتب قبل نهائي الأبطال 2020 بين بايرن وباريس إن الكرة بدأت تقدر أنخيل دي ماريا

جوناتان ويلسون على الجارديان، كان كتب قبل نهائي الأبطال 2020 بين بايرن وباريس، إن الكرة بدأت تقدر أنخيل دي ماريا.

اللاعب اللي قدر يدخل عصرين في كرة القدم، عصر المتعة وعصر الاستثمار، عصر المتعة اللي توقف عند نهائي العاشرة مع ريال مدريد، المباراة اللي دي ماريا كان أبرز نجومها.

عصر الاستثمار، سهولة التضحية بيه في فترات كتيرة ولحساب لاعيبة تانية، بما في ذلك وصوله لباريس، ومحافظة باريس عليه، وده في رأيه كان من أسباب نضج باريس.

بين العصرين كان دي ماريا، اللاعب اللي لعب خلالهم مع رونالدو، ميسي، نيمار، وكان، على حسب كلام جوناتان، ظلهم الدائم، وبيقوم بالأدوار اللي بتسهل مهام كتيرة عليهم، والأهم إنها بتريحهم.

زي واجباته الدفاعية، وزي بعده أحيانًا عن مرمى الخضم عشان يتواجد في أماكن تربط بين الوسط والهجوم، في المقابل قدم نهائيات رائعة، وكان بيتم تقديره بذكر اسمه على استحياء بعدها.

نهائي بكين 2008
نهائي العاشرة 2014
نهائي الماراكانا 2021
نهائي ويمبلي 2022

كرة القدم، زي ما قال جوناتان، منحت واحد من مواكبي عصرين مختلفين التقدير اللي يستحقوا في النهاية.