الادارة✍🔮السعادة السعادة السعادة🔮
#توقعات الابراج يوم الأربعاء 2021/10/19 م 🔮🔮🔮
الحمل ♈
وضعك بشكل عام جيد بتتمتع بحيوية و نشاط عاليين و بدك تعمل شيء يخليك تخرج من أي كآبة أو حزن قد شعرت فيه ، بتوطد علاقتك مع المحيطين فيك و بتكسب تعاطف و محبة من حولك ، ممكن تتلقى مساعده مالية من احد المقربين .
عاطفيــا❤الشريك بدو ياك تكون بأفضل حال و بيظهرلك محبة كبيرة
الثور ♉
التصرف بروية و حكمة مع الامور من حولك بخلوك تزداد مكانة و رقي ، قد تشعر بضيق و عدم رضا عن تصرفات من حولك لكنك بتكبت هاد الشي مما يجعل الامر يزداد سوء ، خليك رايق و خود الامور بروح رياضية اكتر ، قد تزور طبيب للاطمئنان عن صحتك .
عاطفيــا❤ لا تخلي الخلافات مع الشريك تكتر و خفف من غيرتك الشديدة .
الجوزاء ♊
شخصيتك القوية و قدرتك على التأقلم مع الظروف حولك بخلوك تزداد طاقة و حيوية ، قد تشكو من تجاهل احد الاصدقاء و عدم قربه منك لكنك بتتجاوز الموضوع و مابدك تفتح القصة حتى ما تعطي الامر اهمية كبيرة .
عاطفيــا❤طلباتك من الشريك محدودة و بدك منه يعطيك محبة اكبر .
السرطان ♋
بتقوم باكتر من مهمة و بتتواجد بالاماكن الضرورية و يلي لازم تكون فيها ، امور كتير مهمة و مصيرية بحياتك ممكن تشغل بالك و بدك تعرف شو نهاية الامر حتى ترتاح و تستقر ، انتبه على امورك الصحية و ما تجهد نفسك زيادة .
عاطفيــا❤ لا تبخل على الشريك بالمحبة و الحنان يلي ممكن انحرم منه فترة طويلة .
الأسد ♌
حظوظك كتير حلوة و طاقة ايجابية عالية ، ابتسامتك ما بتفارق وجهك و سرورك بيظهر بطريقة كتير رائعة ، فرصة جيدة لزيادة المكاسب المالية و الدخول في العديد من المشاريع الحلوة ، انتبه من الحساد و ما تحكي كلشي بدك تعمله .
عاطفيــا❤ خلي تعاملك مع الشريك اكتر مرونة و ما تدخل معه بنقاشات خلافية .
العذراء ♍
اليوم قد تكون قادر على حل اي امر ممكن يعترض عملك او تواجهه اثناء القيام بمهامك ، لا تتسرع و حكوم على الامور بطريقة مناسبة حتى ما تربط حالك بقرارات انت اتخذتها و ما فيك تتراجع عنا ، مصاريف مالية اضافية ممكن تضطر تدفعا .
عاطفيــا❤ تعب الشريك و جهده بزول بكلمة حلوة منك لا تبخل عليه فيها .
الميزان ♎
تبدو كثير الحركة و النشاط بتتشاور مع العديد من الاصدقاء و الزملاء بالعمل حتى تقدر تزيد نسبة نجاحك بالمهام والاعمال يلي بدك تقوم فيها ، ما تتأخر بتأدية ماعليك من التزامات حتى ما تتراكم عليك و خليك مرن بالتعامل مع اي مستجد ممكن يطرأ .
عاطفيــا❤ الشريك بيدعمك و بساندك بمعظم اعمالك .
العقرب ♏
دبلوماسيتك و مرونتك بالتعامل مع المحيطين فيك بخلوك تكسب المزيد من الاهتمام و المحبة ، قد تشعر بشيء من الاجهاد او التعب لذلك ممكن تترك اي شيء من ايدك و ترتاح حتى تستجمع قواك ، مكاسب مالية جيدة ممكن تحصل عليها .
عاطفيــا❤ بدك تبقى مع الشريك اكبر وقت ممكن و تتعامل معه بكثير من الرقة و المحبة .
القوس ♐
مازلت تملك المزيد من الحظوظ و بتقدر انك تثبت جدارة باي عمل ممكن تقوم فيه ، احداث عديدة ممكن تجرى حولك لكنك ما بتهتم كتير بالتفاصيل و بتعطي تركيزك على الاشياء المهمة بالنسبة الك فقط ، ضبط للنفقات و المصاريف قدر الامكان .
عاطفيــا❤اناقتك و اهتمامك بمظهرك بخلوك تجذب انظار الشريك نحوك .
الجدي ♑
يوم مناسب حتى تكفي عملك المعتاد قد تشعر بشيء من الملل و الامتعاض من بعض المواقف يلي عم تصير معك من قبل احد الشركاء او الزملاء ، فيك تقوم بنشاط بتحبه و تلتقي مع شخص قريب منك حتى تكسب طاقة ايجابية اكبر .
عاطفيــا❤.التوتر بالعلاقة مع الشريك ممكن يخليك تشعر بحاجة للتفاهم و ايضاح الامور معه اكتر .
الدلو ♒
الكثير من الاعمال يلي بدك تقوم فيها و راسم لها خطة للتنفيذ قد تضطر لتغيير بعض الاولويات و تقوم بما هو أهم ، تهتم بسمعتك و ما تسمعه من الآخرين حولك ، حافظ على السرية و الكتمان بقضاء حوائجك و ما تكتر حكي عن عملك او مكاسبك .
عاطفيــا❤ بدك تعطي الشريك حقه و مابدك تخلي شيء يعكر صفو العلاقة معه
الحوت ♓
مساعدتك للآخرين و تقديمك للمساعدة بخلوك تكسب ثقة من حولك و تزيد محبة الآخرين الك ، اهتمامك بالامور العائلية والأسرية ممكن يطغى على اعمالك و بخليك تبقى اكبر فترة من وقتك بالبيت ، مبلغ مالي ممكن يوصلك بوقته .
عاطفيــا❤علاقتك مع الشريك جيدة و مستقرة حافظ على هذا الشي .
التعليقات مغلقة.