الف حمد و شكر لله. تم القبض علي المجرمه التي خطفت الطفل محمد حماده من والدته في مستشفي ابو الريش و اعترفت بانها اشترت بالطو ابيض و دخلت المستشفي و خرجت بسهوله لان افراد الامن ظنوا انها طبيبه و خطفت الطفل لانها لا تنجب و تم ايضا القبض علي زوجها لاشتراكه في التخطيط للجريمه… شكرا لجهود الشرطه في تتبع المجرمه و القبض عليها بعد ما تركت الطفل في مستشفي الدهب خوفا من افتضاح امرها بعد انتشار صورته و حاجته للعلاج

ملحوظه: الاعضاء اللي بيشككوا في القصه بحجة انها ممكن تتبني طفل… للاسف معلوماتكم غير صحيحه لان مفيش تبني في مصر لانه حرام شرعا و قانونا لما فيه من امكانيه اختلاط الانساب ( التبني هو ان اسره ياخدوا طفل يربوه و يكتبوه ب اسمهم) …. اما المتاح و القانوني هو الكفاله الخارجيه و هي ان الزوج و الزوجه يتقدموا بطلب لكفاله طفل و تربيته في بيتهم و في الحاله دي الطفل مش بيكون متسمي ب اسم الزوج و الزوجه…يعني اسمه في شهاده ميلاده مختلف .. و الكفاله الخارجيه لها شروط و يتم تشكيل لجنه لدراسه حاله الزوجين و وضعهم بعد تقديم الطلب و التأكد انهم يستوفوا شروط الكفاله
و الخطف للتبني مش حاجه جديده.. ده احد اكبر اسباب الخطف في مصر لان في ازواج بيكونوا عايزين يكتبوا الطفل باسمهم للاسف و نشرنا عالصفحه سابقا عدة قضايا تم العثور فيها علي طفل مخطوف مع اسره بيدعوا انهم اهله و استخرجوله شهاده باسمهم بالتزوير