تفاصيل التقديم
اولا سجل الكتروني زي الفيديو ده
https://m.youtube.com/watch?v=qSXupF3zUjU
حضر اتنين دوسيه كبسول و تحط فيهم الآتي
شهادة الميلاد و صورتين
شهادة الكلية و صورتين
بيان الدرجات الاصل و صورتين
صورتين بطاقة
و صورتين من شهادة الجيش
و 9 صور شخصية
هتحط كل الأصول في دوسيه و الصور في الدوسيه التاني
و تجيب فيزا من اي حد ما عدا فيزا المعاش و تحط فيها5390 جنيه
و تجيب معاك كاش1200جنيه غير مواصلاتك طبعا
هتركب من محافظتك لشبين الكوم
هتنزل الموقف تركب من هناك تاكسي تقوله نزلني مجمع الكليات ( التاكسيات رخيصة هناك هتدفع تقريبا ١٢ جنيه في أي مشوار) لو مش عاوز تاكسي هتركب اتوبيس كبير لونه ابيض هينزلك قدام مجمع الكليات ب اتنين جنيه و نص
1)لو معرفتش تسجل الكتروني قدام الكلية اول شارع عاليمين هتلاقي مكتبة هتقوله عاوز اقدم دبلومة كيميا حيوي هياخد منك البطاقة و يملا بياناتك عالموقع ملحوووووووووووووظة هااااااااااااااااامة
راجع بياناتك كويس علشان هيبصو في كل كلمة خصوصا محل الميلاد لازم يكون اللي في شهادة الميلاد مش اللي في البطاقة
المهم هتطلع صورة شخصية و تدبسها في ورقة الكشف الطبي
2)هتروح تكشف طبي عند كلية حقوق
هتروح هناك و معاك كمامة هتدفع 200 جنيه و هتختم و تمشي 3)هتطلع شئون الدراسات العليا في الدور التالت الموظفة هتشوف ورقك سليم ولا لا و تديك ورق تملأ بياناتك و إقرار تمضيه و وصل تنزل تدفع في الخزنة
4)هتنزل الخزنة هتدفع بالفيزا 5390 جنيه او لو مش معاك هتدفع كاش و عليه غرامة
هتستني تاخد الوصل الاحمر …متمشيش من غير ما تاخده
5)هتطلع تاني التالت تسلم الوصل وكده تمام
تنزل بقي الدور الارضي جنب السلم اليمين فيه طرقة طويييلة تمشيها الاخر هتلاقي واحد تقوله عاوز ادفع كتب الدبلومة هتدفع 1000 جنيه و تاخد رقمك في الكشف تحفظه و يديك ورقة تروح بيها لاي دكتور في قسم الكيميا هيقبلك علي طول
الحمد لله انت كده اتقبلت
عاوز تروح بقي …… اطلع بره هتلاقي الاتوبيس الكبير الأبيض اللي جيت بيه بيحمل موقف اركبه هينزلك في الموقف اركب محافظتك و حمد الله عالسلامة
التعليقات مغلقة.