تعرف علي الزيادات اللي حصلت في سوق السيارات من امبارح لحد دلوقتي وغالبية الزيادات في رينج 10- 20%

دي تقريبا كل الزيادات اللي حصلت في سوق السيارات من امبارح لحد دلوقتي وغالبية الزيادات في رينج 10- 20%

الوضع دلوقتي إن الغالبية العظمى من الموزعين وقفوا البيع، والبنوك طبعا وقفت اعتمادات القروض للسيارات، لحين ما السوق يستقر

الوضع يبان إنه مخيف، بس ده طبيعي والزيادات موازية لزيادة الدولار (15%)، عدا بعض العربيات اللي شطحت برا النسبة اللي ذكرتها، ووقف البيع ده لمجرد انتظار استقرار سعر العملة

الزيادات في غالبية الموديلات ثابتة، علشان الشركات بتحط الزيادة على سعر أعلى فئة في العربية، بعدين يطبقها على كل الفئات، بحيث يحافظ على نفس فروق الأسعار بين الفئات وبعضها

بعض الشركات عملت حركة ذكية إنها مزودتش أول فئة في عربياتها علشان تحافظ على السعر المبدأي للعربية

كمان هتلاحظ ان في عربيات مش بتبيع كويس أو في منها مخزون في السوق، دي مزادتش لحد دلوقتي، ودي ممكن تبقى فرصة كويسة تبص عليها

هنتابع معاكم إن شاء الله أول بأول اللي بيحصل..