مفكرتش قبل كدا ليه فكرة الخلود في الجنة ؟!
.
طيب احنا كنا كويسين في الدنيا 50-60 سنة .. ما نتنعم زيهم في الجنة وخلاص .. دى غمسة واحدة في الجنة هتنسيك شقاء الدنيا كلها .. فما بالك بعشرات السنين ؟!
.
السبب هتلاقيه عند المفسرين .. مثلا الامام بن كثير لما فسر (( وهم فيها خالدون )) قالك هذا هو تمام السعادة ..فإنهم مع هذا النعيم في (( أمان )) من الموت والانقطاع ..
.
السعادة هنا مش هتكتمل الا بالاحساس بـ (( الأمان )) .. ربنا يرزقك الجنة .. وقتها مش هتبقى كل شوية بتبص في الساعة والتاريخ .. متطمن ان بكرة زي النهاردة .. نعيم متصل ملوش نهاية ..
.
والناحية التانية نفس الكلام .. الخلود في النار .. هيخلي اهلها ميصبروش نفسهم بإن اللى هم فيه دا مصيره الى انتهاء .. زي اللى بييجي جيشه في حتة وحشة او طبيب تكليفه جه في حتة بعيدة وعمال يعد من اول يوم في خدمته وبيصبر نفسه ان التعب اللى فيه دا له نهاية .. اما اصحاب النار .. فكونهم عارفين ان اللى هم فيه دا مش هيخلص .. ملوش نهاية .. فدا من تمام عذابهم ..
.
.
كذلك العلاقات الانسانية خد بالك ..
لو اتنين متجوزين مثلا .. وبيحبوا بعض .. وعندهم كل مسببات السعادة اللى في الدنيا .. لكن مش حاسين بـ (( الامان )) .. فمستحيل علاقتهم دي تبقى مصدر سعادة ولا هيبقوا في يوم سعداء ..
التعليقات مغلقة.